Եթե Թուրքիան վերականգնի մահապատիժը, ապա կհրաժարվի իր եվրոպական ապագայից
Եվրախորհրդարանի նախագահ Անտոնիո Տայանին իտալական La Repubblica թերթին ված հարցազրույցում հայտնել է, որ մտահոգված է Թուրքիայում անցկացված հանրաքվեի մասին ԵԱՀԿ դիտորդների ներկայացրած առաջին զեկույցից, որում ասվում է կողմերի հավասարության բացակայության ու այն մասին, որ հանրաքվեի դրված հարցերը պատշաճ ձեւով չէին լուսաբանվել։ Եթե այդ մեղադրանքները հաստատվի, ասել է իտալացի քաղաքական գործիչը, ապա «մենք պետք է բավականին ծանրակշիռ նախազգուշական ազդանշան ուղարկենք ու Եվրախորհրդարանը պատրաստ է անել դա Թուրքիայի մասին քննարկումների ժամանակ, որոնք ծրագրված են ապրիլի 26-ին»։ Տայանին հայտնել է՝ եթե Թուրքիան «ուզում է մնալ ԵՄ անդամակցության թեկնածու, մենք չենք կարող չպնդել, որ Անկարան հետեւի Կոպենհագենյան չափանիշներին, այսինքն պահպանի իշխանական ճյուղերի հավասարակշռությունը»։
«Մենք պետք է պաշտպանենք մեր սկզբունքներն ու արժեքները, որոնց պահպանումը պահանջում ենք թեկնածու երկրից, բայց եւ վերջնականապես չփակենք դուռը,- համարում է Եվրախորհրդարանի նախագահը,- Դա Եվրոպայի համար հավասարազոր կլիներ սեփական դարպասներին գոլ խփելուն։ Մենք պետք է նկատի ունենաք նաեւ այն, որ երկրի կեսը հանրաքվեի ժամանակ չի պաշտպանել այդ բարեփոխումը»։ Տայանը հավելել է, որ Թուրքիան պետք է մնա ԵՄ զրուցակիցը, ու Եվրոպան պետք է այսուհետ էլ կատարի միջնորդի դեր երկրի երկու կեսերի՝ Էրդողանի կողմնակիցների ու հակառակորդների միջեւ»։
Ինչ վերաբերում է մահապատիժը վերականգնելու հարցով հանրավքե անցկացնելու՝ Թուրքիայի ծրագրերին, իտալացի քաղաքական գործիչը շեշտել է․ «Մահապատիժը Թուրքիային կտաներ հետ՝ դեպի 2004 թ, երբ այն չեղարկվել է ու կլիներ կարմիր գիծ Եվրոպայի համար՝ միակ մայրցամաքի, որտեղ մահապատիժ գոյություն չունի»։ «Եթե Թուրքիան վերականգնի մահապատիժը, ուրեմն նա կհրաժարվի ԵՄ կազմում ընդգրկվելու հեռանկարներից»,- ասել է Տայանին։
Եվրոպայի հետ խզումը «լավ չէ նախեւառաջ Թուրքիայի համար», հավելել է նա։ «Երկխոսությունը նրա շահերից էլ է բխում, բավական է հիշել առեւտրային համաձայնեգրերի միջեւ, որոնք գործում են մեր միջեւ,- նշել է Տայանին,- Ընդհանուր առմամբ Եվրոպան պետք է վճռականություն դրսեւորի ավտորիտար սցենարի վտանգի առջեւ, բայց մենք չենք կարող հրաժարվել երկխոսությունից կամ մոռանալ, որ մեզ միավորում են միգրանտների խնդիրը, ահաբեկչության դեմ պայքարն ու բիզնեսը։ Այս երեք թեմաները այսօրվա դրությամբ առանցքային են մեր մայրցամաքի ու Թուրքիայի համար»,- ամփոփել է Տայանին։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը