Թուրքիայի իշխանությունները մտադիր են 137 բանտ կառուցել

Թուրքիայի արդարադատության նախարարությունը 114 նոր բանտ կկառուցի եւ եւս 23-ը գտնվում են տենդերների փուլում, հաղորդում է Gazete Duvar-ը:

137 բանտերը նախատեսված կլինեն 80000 մարդու համար:

Երկրի ընդդիմադիր Ազգային հանրապետական կուսակցության անդամ Օնուրսալ Ադըգյուզելը քննադատել է արդարադատության նախարարությանը՝ նշելով, որ բանտերի թվի մեծացման փոխարեն պետք է խնդիրը լուծվի, հաղորդում է Ahval-ը:

Վերջին զեկույցի համաձայն՝ Թուրքիան բանտարկյալների թվով երկրորդ տեղն է զբաղեցնում: Բանտարկյալների թիվն աճել 2016թ. հուլիսին պետական հեղաշրջման փորձից հետո, երբ կառավարությունը տասնյակ հազարավոր մարդկանց ձերբակալեց այլախոհության համար: