Պորոշենկոն Վրաստանը վերանվանել է Սաքարթվելո
Ուկրաինայի նախկին նախագահ Պյոտր Պորոշենկոն ֆեյսբուքյան իր էջում տեսաուղերձով դիմել է հայրենակիցներին՝ հորդորելով աջակցել Վրաստանին, որը, ինչպես և Ուկրաինան, «տառապում է ռուսական ագրեսիայից»:
«Աջակցել Սաքարթվելոյին՝ նշանակում է աջակցել Ուկրաինային»,- ասել է նախկին նախագահը:
Պորոշենկոն նաև կոչ է արել ուկրաինացիներին արձակուրդներին զանգվածաբար մեկնել Վրաստան, որպեսզի փոխհատուցվեն ռուս զբոսաշրջիկների բացակայության հետևանքով առաջացած կորուստները: Պորոշենկոն կոչ է արել կառավարությանը, Տրանսպորտի նախարարությանը և ուկրաինական ավիաընկերություններին Ուկրաինայից Վրաստան և հակառակ ուղղությամբ չվերթներ իրականացնել զեղչերով:
Բաժանորդագրվեք Top-News.am-ին Telegram-ում