Թուրքիայի պաշտպանության նախարարն ամերիկացի գործընկերոջը պարզաբանել է ռուսական S-400 համակարգերի ձեռքբերման նպատակը

Պենտագոնի ղեկավարի ժամանակավոր պաշտոնակատար Մարկ Էսփերը և Թուրքիայի պաշտպանության նախարար Հուլուսի Աքարը հեռախոսազրույց են ունեցել, որի ընթացքում քննարկվել է Թուրքիա ռուսական S-400 զենիթահրթիռային համակարգերի մատակարարման հարցը, Habertürk-ի փոխանցմամբ՝ հայտնում է RT-ն:

Ըստ աղբյուրի՝ զրույցի ընթացքում Աքարը նշել է, որ S-400 համակարգերի ձեռքբերումը ոչ թե նախապատվություն էր, այլ՝ անհրաժեշտություn, քանի որ օդային պաշտպանության տեսանկյունից Թուրքիան խոցելի է:

Թուրքիայի պաշտպանության նախարարի խոսքով՝ Անկարան գնահատում է նաև Patriot հակաօդային պաշտպանության համակարգերի մատակարարման վերաբերյալ ԱՄՆ առաջարկը և շարունակում է մտածել այդ ուղղությամբ: Նա վստահեցրել է, որ S-400-ների մատակարարումն ԱՄՆ-ի նկատմամբ Թուրքիայի դիքորոշման մեջ որևէ բան չի փոխում:

Հիշեցնենք, որ հուլիսի 12-ին ռուսական S-400 համակարգերի առաջին խմբաքանակը հանձնվել է Անկարային:

ԱՄՆ մի խումբ սենատորներ կոչ են արել նախագահ Դոնալդ Թրամփին պատժամիջոցներ սահմանել Թուրքիայի նկատմամբ` ռուսական S-400-ների մատակարարման մեկնարկի առնչությամբ: