Վրաստանը Եվրամիությունից 47 մլն եվրո կստանա

Վրաստանի ֆինանսների նախարարության տեղեկատվությամբ, Բաթումիում անցկացված «Վրաստանի եվրոպական ճանապարհ» գիտաժողովի շրջանակներում Վրաստանի և Եվրամիության միջև ձեռք է բերվել երկու համաձայնագիր:

Ֆինանսական համաձայնագրի բյուջեն կազմում է 47 մլն եվրո:

Գիտաժողովին Վրաստանի և Եվրամիության միջև ստորագրվել է «Անվտանգության ուժեղացման և հանցագործության դեմ պայքարի աջակցության» (EU4 Security, Accountability and Fight against Crime in Georgia (SAFE) համաձայնագիրը, որի շրջանակներում Վրաստանը կստանա 28 մլն եվրո:

Երկրորդ համաձայնագիրը, որի շրջանակներում Վրաստանը կստանա 19 մլն եվրո, «Եվրամիությունը Վրաստանում տնտեսական կառավարման և ֆինանսական հաշվետվության աջակցության համար» ստորագրված համաձայնագիրն է:

Բաժանորդագրվեք Top-News.am-ին Telegram-ում