Շուրթերի միջոցով կարդալու մասնագետն ասել է, թե ինչ է վերջին ցնցման նոպայի ժամանակ շշնջացել Մերկելը (տեսանյութ)

Շուրթերի միջոցով կարդալու մասնագետ Ջուդիթ Հարթերը Antenne Bayern ռադիոկայանին պատմել է, թե ինչ է շշնջացել Գերմանիայի կանցլեր Անգելա Մերկելը հերթական՝ վերջին երեք շաբաթվա ընթացքում արդեն երրորդ ցնցման նոպայի ժամանակ, գրում է rosbalt.ru-ն:

Հիշեցնենք, որ վերջին անգամ Մերկելի ինքնազգացողությունը վատացել է Ֆինլանդիայի վարչապետ Անտի Ռինեի հետ Բեռլինում կայացած հանդիպմանը: Տեսանյութից դատելով՝ Մերկելն ինչ-որ բան է շշնջացել՝ չնայելով ֆինն գործընկերոջը:

Փորձագետի խոսքով՝ Մերկելը կրկնել է հետևյալ արտահայտությունը՝ «Ես կկարողանամ» («Ich schaffe das»):

Անձամբ կանցլերը լրագրողներին հայտնել է, որ իր առողջության համար անհանգստանալու կարիք չկա: Սակայն նախօրեին Դանիայի վարչապետ Մետտե Ֆրեդերիկսենի հետ հանդիպմանը նա հիմնը նստած է լսել:

Վերջին երեք շաբաթվա ընթացքում սա արդեն Մերկելի երրորդ նոպան է եղել հանրության առաջ: Առաջին անգամ նա ցնցվել էր հունիսի 18-ին՝ Ուկրաինայի նախագահ Վլադիմիր Զելենսկիի հետ հանդիպմանը: Նա այդ ժամանակ կատարվածը բացատրել էր ջրազրկմամբ:

Իրավիճակը կրկնվել է հունիսի 27-ին՝ Գերմանիայի նախագահ Ֆրանկ-Վալտեր Շտայնմայերի հետ հանդիպմանը:

Բժիշկները ենթադրում են, որ վատ ինքնազգացողության պատճառ կարող են լինել իշեմիկ տրեմորը, շաքարային դիաբետը և անոթների հետ խնդիրները:

#Merkel zittert ein drittes Mal heute beim Empfang des Ministerpräsidenten Antti Rinne. Vielleicht sollte sie sich wirklich mal ernsthaft durchchecken lassen. Das hat nichts mit Schwäche zeigen zu tun! pic.twitter.com/wAcgCwqXRc

— Basti (@djcooky78) 10 июля 2019 г.