Անգելա Մերկելը Թուրքիայի իշխանություններին կոչ է արել հաղթահարել հասարակության պառակտումը
Գերմանիայի կառավարությունը Թուրքիային կոչ է արել երկրում երկխոսություն փնտրել բոլոր քաղաքական ու հասարակական ուժերի հետ՝ սահմանադրական հանրաքվեից հետո, որի արդյունքում, համաձայն նախնական տվյալների, ընտրողների աննշան մեծամասնությունն աջակցել է սահմանադրական բարեփոխումներին, որոնք զգալիորեն ընդլանյում են նախագահ Ռեջեփ Թայիփ Էրդողանի լիազորությունները։
Ձայների գրեթե հավասար բաշխումը ցույց է տալիս, թե որքան խորն է պառակտումը թուրքական հասարակության մեջ եւ ընդգծում այն մեծ պատասխանատվությունը, որն ընկած է պետության ղեկավարների ու անձամբ նախագահ Էրդողանի ուսերին։ Այս մասին ասվում է Գերմանիայի կանցլեր Անգելա Մերկելի եւ Արտաքին գործերի նախարար Զիգմար Գաբրիելի համատեղ հայտարարությունում։
Մերկելն ու Գաբրիելը հայտարարել են, որ Գերմանիայի կառավարությունն ընդունում է քվեարկության նախնական արդյունքներն ու հարգում թուրք քաղաքացիների իրավունքը՝ որոշում ընդունել սեփական սահմանադրական կարգի վերաբերյալ։ Նրանք նաեւ նշել են, որ ԵԱՀԿ Ժողովրդավարական կառույցների ու մարդու իրավունքների բյուրոյի ղեկավար Միխայել Լինքը կասկածել է, որ հանրաքվե անցկացնելու համար արդար պայմաններ են ստեղծվել, իսկ Եվրոպայի խորհրդի վենետիկյան հանձնաժողովը մտահոգություն է հայտնել հանրաքվեի ընթացակարգի հետ կապված։
Մերկելն ու Գաբրիելը նշել են նաեւ, որ որպես Եվրոպայի խորհրդի, ԵԱՀԿ անդամ եւ Եվրամիություն մուտք գործելու թեկնածու երկիր, որը պարտավոր է հետեւել ժողովրդավարության ու հիմնարար ազատությունների ԵՄ չափանիշներին, Թուրքիան պետք է լրջորեն վերաբերվի այդ կարծիքներին։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը