Փարիզ․ Թուրքիայում մահապատժի մասին հանրաքվեն կխզի կապը եվրոպական արժեքների հետ
Մահապատժի հարցով հանրաքվեն, որի անցկացման հնարավորության մասին հիշատակել է Թուրքիայի նախագահ Ռեջեփ Թայիփ Էրդողանը, կնշանակեր խզել կապը եվրոպական արժեքների հետ։ Այս մասին ապրիլի 17-ին հայտնել են Ելիսեյան պալատում, հայտնում է RFI–ն։
«Եվրոպայի խորհրդի շրջանակներում ստանձնած արժեքներն ու պարտավորությունները պետք է ստիպեն թուրքական իշխանություններին վարել ազատ ու անկեղծ երկխոսություն քաղաքական ու հասարական կյանքի բոլոր ներկայացուցիչների հետ»,- նշել է Փարիզում։
Մահապատժի հարցով հանրաքվեի կազմակերպումը «կվկայեր այդ արժեքների ու պարտավորությունների հետ խզման մասին», հավելել են Ելիսեյան պալատից։
Կիրակի, ելույթ ունենալով Ստամբուլում իր կողմնակիցների առջեւ, Ռեջեփ Թայիփ Էրդողանը հայտնել է երկրում մահապատիժը վերականգնելու հարցով հանրաքվե անցկացնելու հնարավորության մասին։
Փարիզում նաեւ «ի գիտություն» են ընդունել թե նախագահական լիազորությունների ընդլայնման մասին հանրաքվեի պաշտոնական արդյունքները, թե դրանց հետ անհամաձայնության մասին հայտարարությունները։ Ելիսեյան պալատում շեշտել են, որ քվեարկության արդյունքները այսպես թե այնպես վկայում են այն մասին , որ թուրքական հասարակությունում կա պառակտում Սահմանադրության փոփոխությունների հարցով , որոնց այդքան ձգտում է Էրդողանը։
Ֆրանսիայի ԱԳՆ-ն էլ իր հերթին է շեշտել, որ Փարիզում ուշադիր կուսումնասիրեն ԵԱՀԿ-ի ու ԵԽԽՎ անդամների զեկույցը, որոնք կայացած հանրաքվեում որպես դիտորդ են հանդես եկել։
Ֆրանսիական դիվանագիտական գերատեսչությունը թուրքական իշխանություններին կոչ է արել հետեւել մարդու իրավունքների հարցերով եվրոպական հռչակագրին, որը Թուրքիան ստորագրել է որպես Եվրոպայի խորհրդի անդամ։ Այդ փաստաթուղթը արգելում է մահապատժի վերականգնումը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը