«Երկաթե գմբեթի» գնման մասին Իսրայելի ու Ադրբեջանի գործարքի պաշտոնական հաստատումներ չկան
Այսօրվա դրությամբ «Երկաթե գմբեթ»-ի գնման մասին Իսրայելի ու Ադրբեջանի միջեւ կնքված գործարքի որեւէ պաշտոնական հաստատում չկա։ Այս մասին ասել է քաղաքագետ Ալեքսանդր Ցինկերը, NEWS.am–ի թղթակցի խնդրանքով մեկնաբանելով պարբերական հրապարակումները Ադրբեջանին «Երկաթե գմբեթի» հնարավոր վաճառքի մասին։
«Ուզում եմ նշել,որ Իսրայելի ղեկավարները բազմիցս նշել են, որ մյուս պետությունների, այդ թվում Ադրբեջանի հետ կապերը ուղղված չեն որեւէ երրորդ երկրի դեմ, քանի որ այդ հարաբերությունները կառուցվում են պետությունների փոխադարձ շահերի հիման վրա։ Միաժամանակ Իսրայելը, իրոք, լինելով ռազմաարդյունաբերական արտադրանքի առաջատար մշակողներից ու արտահանողներից մեկը, վերջին տարիներին Ադրբեջանի հետ կնքել է մոտ 5 մլրդ դոլարի պայմանագրեր»,- նշել է Ալեքսանդր Ցինկերը։
Փորձագետը հիշեցրեց, որ 2016-ի դեկտեմբերին, Ադրբեջանի նախարարին հղումներ անելով, մամուլը հրապարակել էր տեղեկություններ Ադրբեջանին «Երկաթե գմբեթ» համակարգի հնարավոր մատակարարումների մասին։
«Երկաթե գմբեթը» ՀՀՊ մարտավարական համակարգ է, որը նախատեսված է 4-ից 70 կմ հեռահարության թռիչքով չկառավարվող մարտավարական հրթիռներից պաշտպանության համար։ Գազայից , Լիբանանից ու եգիպտական Սինայից բխող սպառնալիքների չեզոքացման հարցում օպերատիվ ձեռքբերումների տեսակետից «Երկաթե գմբեթը» իրեն հավասարը չունի։ Սակայն դրա բացառիկությունը՝ որոշակի վայրում որոշակի սպառնալիքի համար մշակումը, կարող է սահմանափակել դրա նկատմամբ այն երկրների հետաքրքրությունը, որոնք գործ ունեն ավելի ավանդական ռազմական հակառակորդի հետ։ Ուշագրավ է, որ ԱՄՆ-ն այս մշակման մեջ ներդրել է մոտ մեկ միլիարդ դոլար, բայց հրաժարվել է գնել «Երկաթե գմբեթը» Աֆղանստանում ու Իրաքում իր սեփական ուժերի համար։
Ուզում եմ նշել, որ այսօրվա դրությամբ Ադրբեջանի հետ գործարքի մասին ոչ մի պաշտոնական հաստատում չի ստացվել։ Իրոք «Երկաթե գմբեթ» համակարգի մատակարարումնեի մասին բանակցություններ իրականացվում են մի շարք երկրների հետ, բայց իրականում այդ համակարգը ձեռք է բերել միայն մեկ հեռավորարեւելյան երկիր, որի անունը ոչ մի տեղ չի հիշատակվում։
Բացի դրանից, այսօր իսրայելական զինվորականները օգտագործում են չորրորդ սերնդի «Երկաթե գմբեթի» մոդելները, արտահանման համար թողնելով միայն ավելի վաղ արտադրված տարբերակները , քանի որ համակարգի մշակողները մտավախություններ չունեն տեխնիկական արտահոսքի կապակցությամբ»,- շեշտեց Ալեքսանդր Ցինկերը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԵՔՀ 8-րդ գագաթնաժողովի բացման արարողությունը Երևանում. ուղիղ
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...