Թուրքիայում 176 զինվորականի ձերբակալելու օրդեր է տրվել

Ստամբուլի դատախազությունը տվել է 176 զինվորականների ձերբակալելու օրդեր, որոնց կասկածում են Թուրքիայում արգելված «ֆեթուլլականների ահաբեկչական կազմակերպությանը» (FETO) մասնակցության մեջ, հայտնում է Անատոլիական գործակալությունը:

Կասկածյալների թվում են բարձրաստիճան զինվորականներ, այդ թվում՝ մեկ գնդապետ, 2 փոխգնդապետ, 5 մայոր, 7 կապիտան, 100 ավագ լեյտենանտ, 18 լեյտենանտ: Ներկայումս ուժայիններն անցկացնում են նրանց ձերբակալելու գործողություն:

2016 թվականի հուլիսի 15-ին Թուրքիայի ԶՈՒ մի խումբ զինվորներ եւ սպաներ նախաձեռնել էին պետական հեղաշրջման փորձ: Հիմնական դիմակայությունը ծավալվել էր Ստամբուլում եւ Անկարայում, զոհվել էր 250 մարդ՝ չհաշված խռովարարներին, ավելի քան 2 հազարը վիրավորվել էր:

Անկարան FETO-ին մեղադրում է խռովության կազմակերպման մեջ: Թուրքիայում FETO-ին օժանդակելու գործերով դատապարտվել են հազարավոր մարդիկ:

Բաժանորդագրվեք Top-News.am-ին Telegram-ում