Թուրքիայի ԿԸՀ-ն անվավեր քվեաթերթիկները Էրդողանի օգտին է հաշվել. ընդդիմությունը չի ընդունում արդյունքները

Թուրքիայում ապրիլի 16-ին տեղի ունեցած սահմանադրական փոփոխությունների հանրաքվեին Կենտրոնական ընտրական հանձնաժողովը սկանդալային որոշում է կայացրել։

Թուրքական Cumhuriyet-ի փոխանցմամբ՝ Թուրքիայի ԿԸՀ-ն բազմաթիվ ընտրատեղամսսերում «այո» քվեարկած առանց կնիքի քվեաթերթիկները հայտարարել է օրինական։ Այս փաստը զայրացրել է ընդդիմադիր կուսակցություններին, իսկ ընդդիմադիր «Ժողովրդահանրապետական» կուսակցության ղեկավար Քեմալ Քըլըչդարօղլուն հայտարարել է, թե չի ընդունում նման արդյունքը։ «Եթե օրենքը պարտադրում է որ վավեր է այն քվեաթերթիկը, որի վրա կա կնիք, ուրեմն թող այդպես հաշվեն։ Խաղի կեսից խաղի կանոնները չեն փոխում»,-ասել է Քըլըչդարօղլուն։

Այս փաստը մեծ արձագանք է գտել Թուրքիայում, որից հետո ԿԸՀ-ն որոշել է շտապ մամուլի ասուլիս կազմակերպել։

Նշենք, որ նախնական տվյալներով «այո»-ն հաղթել է՝ հավաք 51,2 տոկոս ձայն։

Քվեարկության էր դրվել սահմանադրության 18 կետի փոփոխություն, որոնցից հիմնականները հետեւյալն են. պատգամավորների թիվը 550-ից դառնում է 600, պատգամավոր ընտրվելու համար տարիքային շեմը 25-ից իջեցվում է 18-ի, նախագահի ու խորհրդարանի ընտրությունները նույն օրն են իրականացվելու, նախագահի դեմ հետաքննություն սկսվելու համար անհրաժեշտ է լինելու 301 պատգամավորի քվեն, նախագահը կարող է ցավնկացած թվով օգնականներ ընդունել աշխատանքի, նախագահը կարող է ընտրությունները չճանաչել ու նորը նշանակել։

 NEWS.am