Դերասան Արարատ Քեշչյանը շփոթեցրել է հետևորդներին իր հայկական բարբառով (տեսանյութ)

Ռուսաստանում հայտնի դերասան և հումորիստ, հայազգի Արարատ Քեշչյանն իր ինստագրամյան էջում նոր տեսանյութ է հրապարակել, որը մտորելու տեղիք է տվել բազմաթիվ հետևորդների:

«Այս պահին իմ ռուս հետևորդների մեծ մասն անգամ չի էլ կասկածում, որ հիմա նույնիսկ որոշ հայերի լեզվաբանական միկրոսխեմաներն այրվեցին»,- տեսանյութին կից գրել է դերասանը:

Տեսանյութում Քեշչյանն իր հետևորդներին առաջարկել է «իր ձեռքի բաժակին պատկերված վարդի ու բաժակի պարունակության միջոցով» պարզել՝ որտեղ է ինքը, ում տանը: Իբրև հուշում՝ հումորիստը հայերենով կանչում է մորը, որ գա և սուրճը խմի:

Դերասանի հետևորդներն անմիջապես գուշակել են, որ նա մայրիկի տանն է և սուրճ է խմում, չբացահայտված մնաց մեկ հարց՝ ո՞ր բարբառով էր խոսում հումորիստը:

Ոմանք նշել են, որ Քեշչյանը խոսում է համշենահայերենով, որը Աբխազիայի հայության շփման լեզուն է: Նշենք, որ դերասանը ծնվել է Աբխազիայում:

 

 

 

View this post on Instagram

В этот момент большинство русских подписчиков и не подозревало, что лингвистические микросхемы сгорели и у многих армян.

A post shared by Ararat Keshchyan