Գողերը 150 շիշ թանկարժեք գինի են հափշտակել ռեստորանից

Ֆրանսիայի բարձրակարգ ռեստորաններից մեկից գողերը հափշտակել են մի քանի հարյուր հազար եվրո արժողությամբ գինիներ, հաղորդում է ТСН-ն:

Նշվում է, որ գողերը կես մետր լայնությամբ թունել են փորել դեպի գինու մառան և այդկերպ ներխուժել ռեստորան: Այդտեղից գողերը հափշտակել են 150 շիշ բարձրակարգ գինի:

Ռեստորանատերերը վստահ են, որ գողերը նախապես լավ հետազոտել են տեղանքը, քանի որ հենց այդ ժամանակ նկուղում վերանորոգում էր, և անվտանգության համակարգը լավ չի գործել:

«Նրբաճաշակ» գողերն իրենց հետ տարել միայն լավագույն խմիչքները, որոնց արժեքը գնահատվում է 400-600 հազար եվրո:

 Բաժանորդագրվեք Top-News.am-ին Telegram-ում