Կինը 3 մլն դոլար փոխհատուցում է ստացել կազինոյից

Լինդա Սադովսկին սայթաքել էր եւ ստացել ծնկահոդի կոտրվածք, ոից էլ սկսվել էին բարդությունները:

Իսկ ամբողջ պատմությունը սկսվել է 2016 թ-ի սեպտեմբերին, երբ կազինոյի հյուրերը գցել էին «թաց հատակ» ցուցանակը, իսկ մատուցողուհին պարզապես նրա կողքով է անցել ու չի բարձրացրել: Մի քանի վայրկյան անց Լինդա Սադովսկու ոտքը կպել է նախազգուշական ցուցանակին եւ նա ընկնելով կոտրել է ծունկը: Այդ ամենը տեսանկարահանվել է կազինոյի տեսախցիկներով:

Լինդան մի քանի բարդ վիրահատություն է տարել, իսկ կազինոյի տնօրինությունը խուսափում էր մեկնաբանություններ անելուց, գրում է PEOPLE-ը, միայն փաստաբանի միջոցով տեղեկացնում էր, որ ընկած ցուցանակը երեւում էր եւ կինը պարզապես «ուշադրություն չի դարձրել, թե ինչ է կատարվում շրջապատում»:

3 տարի տեւոծ դատական քաշքշուքներից հետո դատարանը որոշել է Սադովսկուն հանձնել 3 մլն դոլարի փոխհատուցում, քանի որ կազինոյի տնօրինությունը «չի պահպանել անվտանգության տարրական կանոնները» եւ չի կարողացել ապահովել անվտանգ միջավայր, ինչն էլ բերել է Սադովսկու վնասվածքին: 

Բաժանորդագրվեք Top-News.am-ին Telegram-ում