Եթե ԱՄՆ-ը հարվածի Իրանին, ապա Իրանն Իսրայելը կոչնչացնի կես ժամում

ԱՄՆ հարձակման դեպքում Իսրայելը կոչնչացվի կես ժամվա ընթացքում: Այս մասին հայտարարել է Իրանի խորհրդարանի ազգային անվտանգության եւ արտաքին քաղաքականության հարցերով հանձնաժողովի ղեկավար Մաջտաբա Զոննուրը, հաղորդում է Mehr-ը:

Նա հերքել է ԱՄՆ նախագահ Դոնալդ Թրամփի այն հայտարարությունը, որի համաձայն՝ նա չեղարկել է Իրանի ուղղությամբ ավիահարված հասցնելու հրամանը ավիահարված հասցնելուց 10 րոպե առաջ: Զոննուրի խոսքով՝ դա «քաղաքական բլեֆ» է:

Նրա կարծիքով՝ եթե ամերիկացիները վստահ լինեին, որ հարձակումը կհաջողվի, ապա դա կանեին:

Իրանցի բարձրաստիճան օրենսդիրը հավելել է, որ Իրանի զինված ուժերը զսպման համակարգ են ստեղծել՝ հավելելով, որ տարածաշրջանում ԱՄՆ 36 ռազմաբազաները գտնվում են Իրանի վերահսկողության տակ:

Նա նաեւ նշել է, որ Իրանը պատրաստ է պատասխանել ցանկացած ագրեսիայի:

Բաժանորդագրվեք Top-News.am-ին Telegram-ում