Վրաստանում քաղաքացիներին և հանգստացողներին զգուշացնում են Սև ծովի ափին փոթորկի մասին

Վրաստանի Ներքին գործերի նախարարության Արտակարգ իրավիճակների կառավարման ծառայությունը Սև ծովի ամբողջ ափային գոտում սպասվող փոթորկի մասին զգուշացնում է բնակչությանը և կոչ անում չմտնել ծովը: Այս մասին տեղեկացնում է 1tv.ge-ն:

Վրաստանում հայտարարում են, որ Սև ծովի ողջ ափային գոտում գրանցվում է 4 բալ ուժգնությամբ փոթորիկ, և սպասվում է փոթորկի առավել ուժգնացում:

«Կտրականապես արգելվում է փոքրահասակ երեխաներին առանց ուշադրության թողնել ափին:

Ափային գոտում բարձրացված են կարմիր դրոշներ, որոնք արգելում են ծովը մտնել: Մոբիլիզացված են նաև փրկարարների հավելյալ խմբեր»,- հայտարարում են Արտակարգ իրավիճակների կառավարման ծառայությունում:

Բաժանորդագրվեք Top-News.am-ին Telegram-ում