ԱԳՆ գլխավոր քարտուղարը եւ Շարժայի կառավարական պատվիրակությունը քննարկել են համագործակցության հարցեր
Հունիսի 27-ին ՀՀ ԱԳՆ գլխավոր քարտուղար Վահագն Մելիքյանը հանդիպել է Շեյխ Ֆահիմ բին Սուլտան Ալ-Կասիմիի (Sheikh Fahin bin Sultan Al-Qasimi) գլխավորած Շարժայի կառավարական պատվիրակությանը։
NEWS.am-ին ԱԳՆ մամուլի ծառայությունից հայտնեցին, որ Մելիքյանը գոհունակությամբ ընդգծել է Հայաստանի Հանրապետության և Արաբական Միացյալ Էմիրությունների միջև տարբեր ոլորտներում դինամիկ կերպով աճող փոխադարձ հետաքրքրությունը։
Զրուցակիցներն անդրադարձել են վերջին շրջանում տեղի ունեցած մի շարք ակտիվ փոխայցելությունների կարևորությանը՝ հայ-էմիրաթական հարաբերությունների զարգացման համատեքստում։
ԱԳՆ գլխավոր քարտուղարը Շարժայի Էմիրության կառավարիչ Շեյխ Սուլտան Ալ-Կասիմիին երախտագիտութուն է հայտնել Հաղարծինի վանքի վերանորոգմանն օժանդակելու համար, նշելով, որ այդ փաստն իրականում երկու բարեկամ ժողովուրդների համագործակցության ամուր հիմքերից մեկն է։
Զրուցակիցները նշել են, որ Էմիրությունների, և մասնավորապես Շարժայի հետ բազում ուղղություններով առկա է մեծ ներուժ։ Փոխադարձ հետաքրքրություն կարող է ներկայացնել համագործակցության խորացումը զբոսաշրջության, գյուղատնտեսության և պարենային անվտանգության, մշակույթի, գիտության և կրթության բնագավառներում։
Շեյխ Ֆահիմ Ալ-Կասիմին իր հերթին վստահեցրել է, որ այս այցը միայն առաջինն է նախատեսվող բազմաթիվ այցելությունների շարքում, որոնց նպատակն է Շարժայի էմիրության և Հայաստանի միջև մի շարք ոլորտներում փոխշահավետ համագործակցության խորացումը։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...