Վրաստանի խորհրդարանի ընդդիմադիր պատգամավորը զրկվեց անձեռնմխելիությունից

Վրաստանի խորհրդարանի Միավորված հանձնաժողովների համատեղ նիստում մի քանի ժամ տևած աղմկոտ բանավեճերից հետո ձայների` 15 կողմ, 4 դեմ հարաբերակցությամբ անձեռնմխելիությունից զրկվել է ընդդիմադիր «Միացյալ ազգային շարժում» կուսակցության առաջնորդներից Նիկա Մելիան. տեղեկացնում է aliq.ge կայքը:

Հիշեցնենք, որ Վրաստանի գլխավոր դատախազությունը դիմել էր օրենսդիր մարմնին խորհրդարանի անդամին քրեական պատասխանատվության ենթարկելու և կալանավորելու համաձայնություն ստանալու համար: Ըստ դատախազի` Նիկա Մելիային մեղադրանք է առաջադրվելու հունիսի 20-ին ցույցի ժամանակ խմբակային բռնություններին մասնակցելու և առաջնորդելու համար` Վրաստանի Քրեական օրենսգրքի 225-րդ հոդվածի առաջին և երկրորդ մասերով:

Նիկա Մելիան հունիսի 20-ի կեսգիշերին կոչ էր արել ծայրահեղ լարված ցուցարարներին` գրոհով վերցնել խորհրդարանը, ինչի հետևանքով ոստիկանները ուժ էին կիրառել ցուցարարների նկատմամբ:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք