«Թբիլիսիում բողոքի ցույցերը Վրաստանի ներկայիս կառավարության հիմարության հետևանքն են». Սանդրա Ռուլոֆս
Թբիլիսիում բողոքի ցույցերը Վրաստանի ներկայիս կառավարության «հիմարության» հետևանքն են։ Նման կարծիք է հայտնել քաղաքական և հասարակական գործիչ, Վրաստանի երրորդ նախագահ Միխեիլ Սաակաշվիլիի կինը ՝ Սանդրա Ռուլոֆսը`«Էխո Մոսկվի» ռադիոկայանին տված հարցազրույցում:
«Իհարկե, այս ամենը մեր կառավարության հիմարության հետևանքն է։ Չպետք է նման խիստ և ոչ մարդկային արձագանք տրվեր այս ամենին: Այժմ մենք պահանջում ենք ձերբակալել բոլոր նրանց, ովքեր պատասխանատու են ուժի կիրառման համար»,- հայտնել է քաղաքական գործիչը:
Ռուլոֆսը հավելել է, որ իշխանությունների հանդեպ դժգոհությունը վաղուց էր հասունացել Վրաստանում։
«Ռուս պատգամավորների պատվիրակության այցը Թբիլիսի լցրեց համբերության բաժակը։ Մարդիկ վերջնականապես հասկացան, որ (Բիձինա - Tert.am) Իվանիշվիլին և նրա թիմակիցները լոբբինգ են անում Ռուսաստանի հետ բարեկամությունը, որը, ցավոք, մեր երկրի տարածքի քսան տոկոսի օկուպանտն է։ Մարդիկ դուրս են եկել փողոց՝ առաջին հերթին այն պատճառով, որ վիրավորվել է նրանց հայրենասիրության զգացումը. Վրաստանում չպետք է ռուս պատգամավորը նստի և ռուսերենով ասի, թե ինչ պետք է անենք»,-ասել է նա:
Հիշեցնենք, որ Թբիլիսիի կենտրոնում բողոքի ակցիաներն սկսվել են հունիսի 20-ին` ՌԴ պետդումայի պատգամավոր Սերգեյ Գավրիլովի ելույթի պատճառով, որը ներկա էր եղել Վրաստանում անցկացվող Ուղղափառության միջխորհրդարանական վեհաժողովի նիստին: Նիստի մեկնարկից հետո նա նստել էր խորհրդարանի խոսնակի աթոռին և հավաքվածներին ռուսերենով ուղերձ հղել:
Հունիսի 20-21-ին Վրաստանի մայրաքաղաքում 305 ցուցարար էր ձերբակալվել, շուրջ 240-ը տուժել էին: Երկու մարդ զրկվել է աչքից:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Պետական արգելոցի ֆոտոթակարդները կրկին նկարահանել են կովկասյան ընձառյուծին