Պատմության մեջ մնալու է որպես այսօրվա իշխանությունների խայտառակություն. Ռոբերտ Քոչարյան
Այն ժամանակ էլ շատ ակտիվ հնչեցվող հարցերից էր՝ բռնենք, պատերին ծեփենք, ասֆալտին փռենք: Այս մասին «5-րդ ալիքին» տված հարցազրույցի ժամանակ հայտարարեց ՀՀ երկրորդ նախագահ Ռոբերտ Քոչարյանը՝ պատասխանելով հարցին՝ ինչու քաղաքական գնահատական չտվեց առաջին նախագահի իշխանությանը:
«Այդպիսի ցանկություններ եղել են շատ-շատերի մոտ, չեմ արել մեկ պատճառով՝ պետք էր երկրի առջև կանգնած հրատապ խնդիրների լուծով զբաղվես, այլ ոչ թե գնաս դեպի անցյալ:
Համոզված եմ եղել ու համոզված եմ, որ այն հաջողությունները, որոնք գրանցել ենք հատկապես տնտեսական ոլորտում, երբեք չէինք ունենա, եթե սկսեինք զբաղվել անցյալով: Եվրոպական միջին քաղաքի բյուջե էր մեր երկրի բյուջեն, և այս դեպքում պետք է քո եռանդը ոչ թե ուղղես անցյալի դեմ պայքարելուն, այլ պետք է ուղղես երկիր կառուցելուն»,- ասաց նա:
Քոչարյանը վստահեցրեց՝ չի փոշմանել, որ այդպես է վարվել:
Դիտարկմանը՝ գուցե հիմա այս կարգավիճակում չլիներ, եթե այդպես չվարվեր, նա պատասխանեց. «Միևնույն է՝ չեմ փոշմանում, որովհետև պատմության մեջ մնալու է ոչ թե այն, ինչ կատարվում է ինձ հետ, այլ դա մնալու է որպես այսօրվա իշխանությունների խայտառակությունը, պատմության մեջ մնալու է հետևյալը՝ ինչ վիճակում եմ ընդունել ես երկիրը և ինչ վիճակում եմ հանձնել»:
Նա ասաց, որ ընդունել է Հայաստանը մի վիճակում, երբ Երևանում կար ընդամենը 3 լուսավորված փողոց, ամբողջ Երևանում աշխատում էր երկու ռեստորան, բենզինը վաճառում էին «կանեստրներով» փողոցներում:
«Կարծում եմ՝ մարդիկ սա լավ են հիշում: Ինչպե՞ս եմ հանձնել երկիրը, բոլորդ տեսել եք՝ Հյուսիսային պողոտայով, հարյուրավոր դպրոցներ, հարյուրավոր կիլոմետր ճանապարհներր կառուցելով, բազմաթիվ այլ հարցերով: Պատմության մեջ սա է մնալու»,- ասաց նա:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...