Իշխանությունները վեթինգի միջոցով մաքրելու են դատական համակարգը սեփական կարծիք ունեցող դատավորներից. Ռոբերտ Քոչարյան
Երկրորդ նախագահ Ռոբերտ Քոչարյանը «5-րդ ալիք» հեռուստաընկերությանը տված հարցազրույցի ժամանակ, անդրադառնալով վաղը Վերաքննիչ քրեական դատարանում տեղի ունենալիք դատական հերթական նիստին, ասաց, որ «որևէ սպասելիք չունի այդ դատարանից և դատավորից»:
Երկրորդ նախագահը նաև անդրադարձավ հարցին, որ դատական նախորդ նիստի ժամանակ դատավորը հեռացել է՝ առանց լսելու պաշտպանող կողմի տեսակետը, մասնավորապես Քոչարյանը նշեց, որ դատավորի այդ վարքը չլսված է.
«Կարծում եմ՝ այդ սցենարը նախագծված էր՝ լսել մեղադրող կողմին, լսել այս գործով ներգրավված տուժողների ներկայացուցիչներին և հետո մի զավեշտալի պատճառաբանությամբ զրկել պաշտպանող կողմին՝ իր տեսակետը ներկայացնելուց: Արեցին ամեն ինչ, որ պաշտպանող կողմը չկարողանա ներկայացնել իր տեսակետը»:
Քոչարյանը նաև նշեց, որ իր համար հասկանալի չէ, թե ինչու էին «Մարտի 1»-ի զոհերի իրավահաջորդները հրավիրվել դատարան, քանի որ քննվող գործը 10 սպանությունների դատավարություն չէ. «Սա ուղղակի մի սցենար էր, որը ենթադրում էր ներկայացնել դատախազության, այսօրվա գործադիր իշխանության տեսակետը և զրկել պաշտպանական կողմին այլ տեսակետ հնչեցնելու հնարավորությունից»:
ՀՀ երկրորդ նախագահը նաև կարծում է՝ ժողովրդի նկատմամբ սերը պետք է արտահայտվի ժողովրդի կենսամակարդակի ամենօրյա բարձրացումով. «Ժողովրդի սերը պետք է արտահայտվի նրանով, որ ժողովրդի սառնարաններում ուտելու բան լինի, որ ժողովուրդը երեխաներին հագուստով ապահովելու խնդիրներ չունենա, սա է ղեկավարի, առաջնորդի սիրո արտահայտության հիմնական բաղադրիչը»:
Անդրադառնալով Նիկոլ Փաշինյանի՝ դատավորների շրջանում վեթինգ իրականացնելու հայտարարությանը՝ Քոչարյանը նշեց՝ համոզված է, որ այսօրվա իշխանությունները ցանկանում են պարզապես իրենց ձեռքը վերցնել իշխանության երրորդ ճյուղը՝ դատականը. «Դատական իշխանությունից Հայաստանում ամենադժգոհ մարդը ես պետք է լինեմ, որովհետև նույն դատարանը, նույն դատավորը մի քանի անգամ անհիմն կայացրել է կալանավորման որոշում և կալանավորում երկարաձգելու որոշում, բայց այն, ինչ արվում է այսօր դատական համակարգի նկատմամբ, չունի նախադեպը:
Ես պետական համակարգում երկարատև աշխատանքի փորձ ունեմ, ես չեմ լսել երբեք, որ որևէ մի երկրում, երկրի ղեկավարի կոչով արգելափակվեն դատարանները: Դա չլսված բան է: Ինչ վերաբերում է վեթինգին, ապա այն գործիքակազմ է, այդ երևույթը ընդհանրապես կապ չունի այն իրավիճակի հետ, որը տիրում է Հայաստանում»:
Քոչարյանի համոզմամբ՝ այս իշխանությունները վեթինգի միջոցով փորձելու են ազատվել այն դատավորներից, որոնք չեն ենթարկվում ճնշումների: «Իշխանությունները մաքրելու են համակարգը ազնիվ, խիզախ, սեփական կարծիք ունեցող դատավորներից»,-եզրափակեց նա:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...