Պարսից ծոցում լարվածությունը կարող է հաղթահարվել միայն քաղաքական ճանապարհով. ԱՄԷ
Պարսից ծոցում լարվածությունը կարող է հաղթահարվել միայն քաղաքական ճանապարհով: Այդ մասին թվիթերյան միկրոբլոգում հայտարարել է ԱՄԷ-ի ԱԳ նախարար Անվար Գարգաշը:
«Ճգնաժամը պահանջում է կոլեկտիվ ուշադրություն, նախ, լարվածությունը թուլացնելու եւ քաղաքական որոշում փնտրելու համար երկխոսության եւ բանակցությունների միջոցով: Տարածաշրջանային ձայները կարեւոր են հաստատուն որոշումներ կայացնելու համար»,-ընդգծել է նա:
Նշենք, որ տարածաշրջանում իրավիճակը վատթարացել էր Օմանի ծոցում երկու նավթային լցանավերի վրա հարձակումից հետո, որում ԱՄՆ-ը, Սաուդյան Արաբիան եւ Բրիտանիան մեղադրել էին Իրանին: Անցած հինգշաբթի Իրանը խոցել էր ամերիկյան անօդաչու սարքը Պարսից ծոցի երկնքում՝ հայտարարելով, որ այն խախտել է ԻԻՀ-ի օդային տարածությունը: Վաշինգտոնը հայտարարել էր, որ անօդաչու սարքը գտնվել էր միջազգային տարածքում: Նախագահ Դոնալդ Թրամփը հայտարարել էր Թեհրանի դեմ նոր պատժամիջոցներ կիրառելու մասին, որոնց վերաբերյալ մանրամասները կհրապարակվեն հունիսի 24-ին:
Ավելի վաղ Թրամփը հայտարարել էր, որ չէր չեղարկել Իրանին հարվածելու որոշումը: «Ես երբեք չեմ չեղարկել Իրանի ուղղությամբ հարվածները, ինչպես մարդիկ սխալ հաղորդում են, ես պարզապես թույլ չեմ տվել առաջ գնալ ներկա պահին»,-գրել է նա թվիթերյան իր էջում:
The New York Times-ի հաղորդմամբ՝ Թրամփը հանձնարարել էր հարվածել Իրանին, սակայն վերջին պահին մտափոխվել էր:
Ուրբաթ Թրամփը Թվիթերում գրել էր, որ չեղարկել է Իրանի ուղղությամբ օդային հարվածները դրանց մեկնարկից 10 րոպե առաջ, քանի որ 150 մարդու սպանությունը ոչ համարժեք պատասխան կլիներ ամերիկյան խոցված դրոնի դիմաց: «Մենք շատ զայրացած էինք եւ պատրաստ էինք վրեժ լուծել անցած գիշեր երեք տարբեր նշանակետերից, երբ ես հարցրի, թե քանի մարդ կզոհվի: 150, պարոն նախագահ, պատասխանեց գեներալը: Հարվածից 10 րոպե առաջ ես հետ եմ կանգնեցրել նրան: Դա խոցված դրոնի դիմաց համարժեք պատասխան չէ»,-գրել է Թրամփը:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ