Մեզ Վրաստանը պետք չէ, մենք չունենք այդքան միջոցներ, իսկ եթե որոշ ուժեր որոշեն փակել Վերին Լարսը, խնդիրներ կառաջանան. Ս. Տարասով
Վրաստանում ստեղծված իրավիճակը շարդ բարդ է: Այս մասին Tert.am-ի հետ զրույցում ասաց ռուսաստանցի քաղաքագետ Ստանիսլավ Տարասովը: Նա նշեց, որ իրադարձությունները հասունանում էին դեռ այն ժամանակ, երբ Վրաստանի նախագահ Սալոմե Զուրաբիշվիլին բարձրացրել էր Ադրբեջան-Վրաստան սահմանում գտնվող եկեղեցու հարցը, ինչից էլ ակնհայտ դարձավ, թե «կրոնական հարցերը որքան սուր են ընկալվում»:
Ստանիսլավ Տարասովն ասաց, որ իրադարձությունները պայթեցին ուղղափառության միջխորհրդարանական վեհաժողովի նիստում, որը տեղի ունեցավ Թբիլիսիում և որտեղ ռուսաստանցի պատվիրակ Սերգեյ Գավրիլովի ելույթից հետո դահլիճը լքեցին պատվիրակությունները:
«Շատ զարմանալի է, թե ինչու որոշեցին այս նիստը անցկացնել Թբիլիսում հենց այն ժամանակ, երբ նախագահում էր Ռուսաստանի պատվիրակությունը: Եղավ այն, ինչ եղավ, մեր պատգամավորը լրիվ պատահաբար հայտնվեց այս իրադարձությունների կենտրոնում: Սկսվեցին հակառուսական ելույթներ և այլն»,- ասաց Տարասովը:
Քաղաքագետը նշեց, որ Վրաստանից հակասական հայտարարություններ են հնչում. նախկին նախագահ Սաակաշվիլին ասում է, թե բողոքի ցույցի մասնակիցները դեմ են Իվանիշվիլիի ռուսամետ քաղաքականությանը, գործող նախագահն էլ ասում է, թե դա այդպես չէ: «Այնինչ, ես կարծում եմ, որ իրականում սրանք ռադիկալ ուժեր են, որոնք պատրաստում են հեղաշրջում: Ով է անում՝ չգիտեմ, դժվար է ասել»,- ասաց Ստանիսլավ Տարասովը՝ նշելով, որ Ռուսաստանից իրենք խղճում են Վրաստանը:
Քաղաքագետի խոսքով՝ իրենք փորձում էին Վրաստանի հետ հարաբերությունների կարգավորման քաղաքականություն վարել, «դեպի Վրաստան էին ուղել ռուս զբոսաշրջիկների հոսք»:
«Թուրքիայում շքեղ պայմաններ են, բայց մեր զբոսաշրջիկները հիմա այնտեղ քիչ են, իսկ Վրաստանը ստանում է հսկայական եկամուտներ: Մենք փորձում էինք կարգավորել իրավիճակը, ռուսական շուկայում հայտնվել էր «Բորժոմի», որը ես խմում եմ: Մարդկանց մեր չկար հակառուսականություն ու սա շատերին դուր չէր գալիս, նրանք որոշեցին փչացնել հարաբերությունները: Ռուսաստանը չէր պլանավորում ոչ մի օպերացիա Վրաստանի դեմ, բայց մենք կոչ ենք անում զբոսաշրջիկներին չգնալ Վրաստան»,- մանրամասնեց Տարասովը:
Ըստ նրա՝ ԱՄՆ-ն բացահայտ խառնված է այս իրադարձության մեջ. «Ռուսները սկսել էին տներ ձեռք բերել Սև ծովի ափին, անշարժ գույք էին գնում Բաթումիում, որովհետև այնտեղ էժան է, 100 դոլարով կարող ես 1 շաբաթ ապրել, այնինչ Ռուսաստանում ռեստորան չես գնա: Այնտեղ լավ եղանակ է, արևոտ է, ռուսները սիրում են արև ու դրա համար գնում էին բնակարաններ: Բայց ԱՄՆ-ից եկան ասեցին, թե այդ ինչո՞ւ»:
Տարասովը կանխատեսեց, որ Վրաստանը քաղաքացիական պատերազմի փուլեր է անցել և չի բացառվում, որ այն նորից կրկնվի, «Վրաստանն ինքն իրեն կվերացնի», բայց շեշտեց, որ ՌԴ-Վրաստան պատերազմ չի լինի:
«Հայաստանը պետք է մտածի Ջավախքի մասին, Ադրբեջանն էլ պետք է մտածի, թե ինչ անի այն տարածքների հետ, որտեղ ադրբեջանցիներ են ապրում: Մեզ Վրաստանը պետք չէ, մենք չունենք այդքան միջոցներ: Հայաստանը պետք է մտածի հայերի ճակատագրի մասին, ովքեր ապրում են Վրաստանում, ապագայում պետք է այս հարցին ուշադրություն դարձվի»,- շեշտեց նա:
Խոսելով այն մասին, թե հնարավո՞ր է Վերին Լարսը փակվի, նա բացասական պատասխան տվեց, ասաց, որ հայ-վրացական ու ռուս-հայկական հարաբերությունները լավն են, բայց խնդիրներ կառաջանան, եթե քաղաքացիական պատերազմ սկսվի ու որոշ ուժեր որոշեն փակել այդ ճանապարհը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...