Եվրադատարանի որոշմամբ՝ Թուրքիան 2․750 եվրո փոխհատուցում կվճարի քուրդ գործիչներին

Մարդու իրավունքների եվրոպական դատարանը (ՄԻԵԴ) Թուրքիային պարտավորեցրել է փոխհատուցում վճարել այն քուրդ գործիչներին, որոնց իրավունքներն ու ազատությունը սահմանափակվել են։

Թուրքիան մեղավոր է ճանաչվել «Քուրդիստանի համայնքների միության» (ՔՀՄ-KCK) դեմ ընթացքող հետաքննության ընթացքում երկարաժամկետ կալանավորումների և կալանավորվածների ինքնապաշտպանության իրավունքի սահմանափակման համար։

Նշված հետաքննության շրջանակներում 83 քուրդ քաղաքական գործիչներ 18 ամիս առանց դատական նիստերի պահվել են կալանքի տակ, իսկ քանի որ գործի վերաբերյալ եղել է գաղտնիության որոշում, նրանք հնարավորություն չեն ունեցել բողոքարկել կալանավորման որոշումը։

ՄԻԵԴ-ը հանգել է այն եզրակացության, որ Թուրքիան խախտել է Մարդու իրավունքների համընդհանուր հռչակագրի ազատության և անվտանգության իրավունքի մասին 5-րդ հոդվածի 4-րդ կետը։ Թուրքիայի դեմ ներկայացված յուրաքանչյուր բողոքով ՄԻԵԴ-ը 250 եվրո փոխհատուցում է նշանակել։ Ընդհանուր առմամբ, Թուրքիան քուրդ գործիչներին պետք է վճարի 2․750 եվրո փոխատուցում:

Աղբյուրը՝ «Էրմենիհաբեր»