Թրամփի մոդելային գործակալությունը կփակվի

Նյու Յորքի մոդելային գործակալությունը, որը ԱՄՆ նախագահ Դոնալդ Թրամփին պատկանող Trump Organization ընկերության ստորաբաժանում է, շուտով կավարտի իր գործունեությունը։ Այս մասին իր կայքում հայտնել է ամերիկյան Mother Jones պարբերականը։

Պարբերականը հղում է անում իր ձեռքի տակ հայտնված էլեկտրոնային նամակին, որը Trump Models գործակալության տնօրեն Քորին Նիկոլասը հղել է բիզնեսի գործընկերներին։ «Trump Organization-ը որոշել է լքել նորաձեւության ոլորտը», - իր նամակում գրել է Նիկոլասը։ Նա հստակեցրել է, որ «Միսս տիեզերք» մրցույթի իրավունքները վաճառելուց հետո Trump Organization-ը որոշել է կենտրոնանալ անշարժ գույքի ոլորտում իր բիզնեսի վրա, մասնավորապես՝ հյուրանոցների եւ գոլֆ ակումբների կառուցման վրա։

Իր նամակում գործակալության տնօերնը չի հստակեցրել 18 տարի առաջ հիմնված Trump Models-ի փակման օրը, որտեղ ԱՄՆ ներկայիս նախագահը տիրապետում է բաժնետոմսերի 85 տոկոսին։

Նշենք, որ Թրամփը «Միսս տիեզերք» մրցույթի սեփականատերն էր 1996-ից։

news.am

Այս թեմայով Թրամփը Կոնգրեսի թույլտվությունը պարտադիր չի  համարում ամերիկացիներին 5000-ական դոլար վճարելու համար Թրամփը հայտարարել է, որ չի զղջում Իրանի դեմ պատերազմի համար Թրամփը հանձնարարել է կրճատել Հարավային Կորեայի հետ համատեղ զորավարժությունները Թրամփը ծրագրային ելույթ կունենա Տեխասում կայանալիք Հանրապետականների համագումարում․ AP Ուիթքոֆ․ Թրամփը Ադրբեջանի և Հայաստանի միջև հակամարտությունը վերածել է խաղաղության հաստատման օրինակելի մոդելի