Քոչարյանի խափանման միջոցի հարցը քննել հրաժարված դատավորներից մեկը նկատողություն ստացավ, մյուսը` նախազգուշացում
Բարձրագույն դատական խորհուրդը այսօր՝ մայսի 8–ին որոշում կայացրեց կարգապահական պատասխանատվության ենթարկել ՀՀ երկրորդ նախագահ Ռոբերտ Քոչարյանի գործը քննել հրաժարված երկու դատավարներին։ Այս մասին NEWS.am-ին հայտնեց ԲԴԽ մամլո խոսնակ Արման Խաչատրյանը։ Մասնավորապես դատավոր Նելլի Բաղդասարյանը ստացել է նախազգուշացում, իսկ Հարություն Մանուկյանը` նախազգուշացում։
Նշենք, որ հիշյալ դատավորները ինքնաբացարկ են հայտնել ՀՀ երկրորդ նախագահ Ռոբերտ Քոչարյանի խափանման միջոցի քննության գործով։ Մասնավորապես Հարություն Մանուկյանը ինքնաբացարկ էր հայտարարել վատ ինքնազգացողության պատճառով. նրա մոտ եղել էր նախակաթվածային վիճակ։ Իսկ Նելլի Բաղդասարյանին ինքնաբացարկի միջնորդություն ներկայացրել էին քննիչն ու դատախազը։ Բաղդասարյանը բավարարել էր միջնորդությունը՝ պատճառաբանությամբ, որ Ռոբերտ Քոչարյանին եւ «Մարտի 1»֊ի գործով քննչական խմբի նախկին ղեկավար Վահագն Հարությունյանին մեղադրանքներ են առաջադրվել միեւնույն գործի շրջանակներում, եւ քանի որ ինքը նախկինում Վահագն Հարությունյանի գործով ինքնաբացարկ է հայտնել, ապա պետք է ինքնաբացարկ հայտնի նաեւ Ռոբերտ Քոչարյանի խափանման միջոցի մասով:
Հիշեցնենք, որ ՀՀ դատավորների ընդհանուր ժողովի կարգապահական հարցերի հանձնաժողովը միջնորդություն էր ներկայացրել Երեւան քաղաքի առաջին ատյանի ընդհանուր իրավասության դատարանի դատավոր Նելլի Բաղդասարյանին եւ Հարություն Մանուկյանին կարգապահական պատասխանատվության ենթարկելու հարցը լուծելու վերաբերյալ:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս