Քեմալականները պահանջել են չեղյալ հայտարարել անցյալ տարվա նախագահական ընտրությունները

Թուրքիայում մայիսի 6-ին Բարձրագույն ընտրական հանձնաժողովի կողմից մարտի 31-ի` Ստամբուլի ՏԻՄ ընտրությունները չեղյալ հայտարարելու վերաբերյալ որոշումից հետո գլխավոր ընդդիմադիր, քեմալական Հանրապետական-ժողովրդական կուսակցությունը դիմել է ԲԸՀ` չեղյալ հայտարարելու համար ամբողջ Ստամբուլ նահանգի ընտրության, ինչպես նաև 2018 թ. հունիսի 24-ի նախագահական ընտրությունների արդյունքները:
Կուսակցության անունից դիմել է կուսակցության փոխնախագահ Մուհարեմ Էրքեքը, որը նշել է, որ ներկայիս կանոնակարգով են անցկացվել նաև 2018 թ. հունիսի 24-ի նախագահական ընտրությունները, որոնցում հաղթել է ներկայիս նախագահ Ռեջեփ Թայիփ Էրդողանը. հաղորդում է Sputnik-ի թուրքական ծառայությունը:

Նշենք, որ ԲԸՀ դիմելու այս որոշումը կուսակցությունը կայացրել էր այն բանից հետո, երբ հանձնաժողովը չեղյալ հայտարարեց Ստամբուլ քաղաքի ընտրության արդյունքները, որում հաղթանակ էր տոնել ՀԺԿ թեկնածու Էքրեմ Իմամօղլուն:

Այս թեմայով Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ) Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ) Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները Թուրքիան կքվեարկի այնքան, մինչեւ որ Էրդողանն ստանա ցանկացածը. NYT Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը