Երևանի քաղաքապետը վարչապետի չափ աշխատավարձ է ստանալո՞ւ․Անի Սամսոնյան
Ազգային ժողովում հայտարարությունների ժամին ԼՀԿ պատգամավոր Անի Սամսոնյանը պատգամավորների ուշադրությունը հրավիրեց Երևանի քաղաքապետարանում աշխատավարձերի բարձրացման թեմայի վրա՝ բնորոշելով դա որպես «քաղաքապետի արկածներ»։
«Երևան քաղաքի քաղաքապետ Հայկ Մարությանը հավաքել է Երևանի քաղաքապետարանում աշխատող իր գործընկերներին, խելք խելքի են տվել, և որոշել են, որ իրենք շատ են աշխատում, չգնահատված են և պետք է ավելի շատ վարձատրվեն, որպեսզի ավելի շատ աշխատեն, և ավելի շատ ծառայեն Երևան համայնքին։ Եվ պատկերացրեք, ինչ է ստացվել։ Շատ անհարմար մի բան է ստացվել։ Ստացվել է, օրինակ, որ Երևանի քաղաքապետը կստանա 1 մլն 200 հազար դրամ՝ մոտավորապես այնքան, ինչքան ողջ հանրապետության վարչապետը»,- ասաց պատգամավորը։
Սամսոնյանը թվեց նաև մյուս պաշտոնյաների համար նախատեսված աշխատավարձերը։