Հին ասֆալտը նորին ջրով չի միանա. քաղաքացին ահազանգում է
Երևան-Եղվարդ հանրապետական նշանակության ճանապարհին արդեն մի քանի օր է «Նաիրի ՃՇՇ»-ն փոսալցման աշխատանքներ է իրականացնում ջրափոսերի վրա: Այս մասին այսօր՝ մայիսի 6-ին, NEWS.am-ին տեղեկացրել է քաղաքացի Արկադի Գալստյանը: Նրա խոսքով՝ հորդառատ անձրևից հետո ընկերության աշխատակիցները չեն սպասել, որ ճանապարհի փոսերը չորանան:
«Կոպրեսատորով բերեցին, քանդեցին: Բայց երեկվա անձրևից հետո, ինչ ասես, որ չի լցվել այդ փոսերի մեջ: Անձրևը բերել, հողը լցրել է, ու իրենք էլ, հավանաբար, 0,5 սմ ասֆալտ են լցրել, բայց ըստ չափանիշների՝ պետք է լինի 4-5 սմ»,- ասաց քաղաքացին՝ հավելելով, որ առաջին դեպքը չէ, ընկերությունն ամեն տարի՝ փոսալցման այս տարբերակով է աշխատում։
«Էդպես են անում, որ հաջորդ տարի էլի անեն: Հին ասֆալտը՝ նորին ջրով չի միանա»,- ասաց նա:
NEWS.am-ի հետ զրույցում «Նաիրի ՃՇՇ»-ի գլխավոր ինժեներ Վոլոդյա Նավասարդյանը հերթեց, որ թաց հողին ասֆալը են արել, ասաց՝ նախ չորացրել են, հետո ասֆալտել։ , որ եթե ասֆալտը խոնավ է եղել, ապա կոմպրեսով չորացրել են։
«Թաց ասֆալտի վրա փոսալցման աշխատանք չենք իրականացրել, վերջին երեք օրը քանի որ խոնավ եղանակ է, աշխատել ենք կոմպրեսով, փչել ենք ու ասֆալտը լցրել»,- ասաց Նավասարդյանը։ Նա նաեւ պնդեց, որ որակով են աշխատում՝ եթե սահմանված է 4-5 սմ, իրենք ավելին են լցնում՝ փոսերը լիարժեք տեսքի բերելու համար:
«4-5 տեղեր կա, որ 6 սմ ենք լցրել: 15 օր է աշխատում ենք այդ տարածքում: Թացի դեպքում՝ բարձր ճնշման օդ ենք փչում, որ լիարժեք չոր լինի»,- ասաց նա: