Չեմ զրպարտել նախարարին, ու դատարանից էլ վախենալու բան չունեմ. «Ջամբո» պարկի հիմնադիր
Բնապահպանության նախարար Էրիկ Գրիգորյանն իր ֆեյսբուքյան էջում այսօր՝ մայիսի 2-ին գրել է, որ պատրաստվում է դատի տալ «Ջամբո» էկզոտիկ պարկի հիմնադիր Արտյոմ Վարդանյանին: Նշենք, որ երեկ՝ մայիսի 1-ին Կենդանաբանական այգու սեզոնի բացման ժամանակ բողոքի ակցիա էր տեղի ունեցել, որի ընթացքում ցուցարարներից Արտյոմ Վարդանյանը պահանջում էր այգու տնօրեն Ռուբեն Խաչատրյանի հրաժարականը, նրան մեղադրելով՝ կենդանիների սպանդ իրականացնելու մեջ: Երեկ լրագրողների հետ զրույցում Վարդանյանը հայտարարել է, որ այգու տնօրենին աջակցում է Բնապահպանության նախարարը:
«Հարգելի գործընկերներ, երեկ զանգվածային լրատվության միջոցներով տարածում է ստացել «Ջամբո» էկզոտիկ պարկի հիմնադիր Արտյոմ Վարդանյանի հրապարակային արտահայտությունը, որ «Կենդանաբանական այգու տնօրենին հովանավորում է բնապահպանության նախարարը, միասին բիզնես ունեն»:
Սույն հայտարարությունը որևէ աղերս չունի իրականության հետ:
Ինքս միշտ հանդրուժողաբար եմ վերաբերվել և վերաբերվում քննադատությանը՝ գիտակցելով խոսքի ազատության կարևորությունը: Սակայն նշված անձի արտահայտությունը ո՛չ քննադատություն է, ո՛չ էլ գնահատողական դատողություն, այլ զրպարտություն, որով փորձ է արվել արատավորել իմ գործունեությունն ու համբավը:
Այդ իսկ պատճառով, որոշել եմ օրենքով սահմանված կարգով դիմել դատարան՝ հրապարակայնորեն հերքման և պատճառված վնասի փոխհատուցման պահանջներով:
Առաջիկայում նշված հարցի վերաբերյալ մանրամասները կհայտնեն իմ շահերը պաշտպանող փաստաբանները:
Այլևս չեմ պատրաստվում հանդուրժել սուտը, կեղծ լուրերն ու զրպարտությունները։ Ուզում եմ տեղեկացնել, որ այսուհետ նմանատիպ յուրաքանչյուր դրսևորում ստանալու է իր պատասխանը` իրավական տիրույթում»,- գրել է նախարարը:
NEWS.am-ի հետ զրույցում «Ջամբո» էկզոտիկ պարկի հիմնադիր Արտյոմ Վարդանյանն ասաց, որ ինքը լսել է նման խոսակցություններ իր ընկերներից, և չի պնդել, որ նման բան կա, այլ ասել է՝ կան լուրեր, որ Կենդանաբանական այգու տնօրենին աջակցում է Բնապահպանության նախարարը. «Կրկին պնդում եմ, որ նման խոսակցություններ կան: Բայց ես չեմ պնդել, որ դա այդպես է: Ինձ ընկերներս ցույց են տվել լուսանկարներ, որտեղ նախարար Էրիկ Գրիգորյանը Ռուբեն Խաչատրյանի հետ հեծանիվ է քշում: Ասել են, որ իրենք ընկերներ են: Ինձ ասում են, որ Կենդանաբանական այգու տնօրենին ոչինչ անել հնարավոր չէ, քանի որ իր մեջքին այլ մարդիկ կան կանգնած: Ես չեմ ունեցել նպատակ զրպարտելու նախարարին, իմ խնդիրը Կենդանաբանական այգու տնօրենի հետ է: Ես միայն գիտեմ, որ նման խոսակցություններ կան»,- ասաց Արտյոմ Վարդանյանը, և նշեց՝ շատ ուրախ է, որ նախարարը հերքում է այդ խոսակցությունները.
«Ինչ վերաբերում է դատի տալուն՝ ես մի գրամ անգամ դատարանից չեմ վախենում, քանի որ չեմ վիրավորել, ու կեղծ պնդումներ չեմ արել»,- հավելեց «Ջամբո» պարկի հիմնադիրը:
Լուրեր Հայաստանից - NEWS.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...