Լուսանկարիչը ֆիքսել է՝ ինչպես է կայծակը միաժամանակ հարվածում Չիկագոյի 4 երկնաքերերին (լուսանկարներ, տեսանյութ)

Մայր բնության հզորությունն ու գեղեցկությունը երկուշաբթի երեկոյան լիարժեք ցուցադրվել է Չիկագոյի երկնակամարում, երբ ամպերի արանքից ճայթող կայծակը միաժամանակ հարվածել է չորս երկնաքերի: Ուշագրավ կադրն անմահացրել է լուսանկարիչ Քրեյգ Շիմալան:

Ինչպես նշում է Daily Mail-ը, շինությունները, որոնց հարվածել է կայծակը, ունեն ավելի քան 305 մ բարձրություն:

Լուսանկարիչը պատմել է, որ նախապես իմացել է սպասվող կայծակի մասին, ուստի նախապատրաստվել ու զինվել է տեսախցիկով և ֆոտոխցիկով:

Դիտարժան երկնային շոուն ուղեկցվել է ուժեղ ամպրոպով, տեղատարափ անձրևով ու քամիով:

Եվ թեկուզ կայծակը միշտ էլ գեղեցիկ տեսարան է ապահովում, այնուհանդերձ՝ այն վտանգավոր է: Հայտնի է, որ այդ օրը Չիկագոյում առնվազն մեկ տուն է վնասվել կայծակից:

Այս թեմայով «Այլմոլորակային» մողեսները հարձակվել են ամերիկացիների վրա Քենիայի արգելոցում լուսանկարիչը ֆիքսել է ընձառյուծների «ակրոբատիկ հնարքները» (լուսանկարներ) Մեդուզային օդ նետող դելֆինը դարձել է համացանցի աստղ (տեսանյութ) WWF-Հայաստանը «Արևիք» ազգային պարկում ընձառյուծ է լուսանկարել Ալյասկայում որմզդեղնը տապից պաշտպանվելու հիանալի միջոց է գտել (տեսանյութ)