«Դեռ երբեք մանկական «Ձայն»-ում այսպես չէր հաղթել գումարը». Ալսուի դստեր հաղթանակը մրցույթում խայտառակություն են անվանել (տեսանյութ)

Համացանցի օգտատերերին զայրացրել է «Ձայնը. երեխաներ» հեռուստանախագծի ռուսական տարբերակի վեցերորդ եթերաշրջանում երգչուհի Ալսուի 10-ամյա դստեր՝ Միկելլա Աբրամովայի հաղթանակը: Նախագծում նրա հաղթանակը «վաճառված» են անվանել, իսկ նրա ելույթները՝ խայտառակություն: Հեռուստադիտողները մեկնաբանություններ են թողել YouTube-ում տեղադրված տեսագրությունների տակ:

«Սիրտս ցավում է մյուս երեխաների համար: Հերթական անգամ հաղթեց գումարը»,- գրել է օգտատերերից մեկը:

«Խայտառակությո՛ւն, դեռ երբեք մանկական «Ձայն»-ում այսպես չէր հաղթել գումարը»,- գրել է մեկ այլ օգտատեր:

«Ուզում ես ուղղակի հայհոյել: Ինչպե՞ս կարելի է տաղանդավոր երեխաներից գողանալ հաղթանակը»,- գրել է մեկ ուրիշը:

Մի օգտատեր էլ գրել է. «Այսօր Ալսուի ընտանիքը գնեց «Ձայնը. երեխաներ» հեռուստանախագծի հուղարկավորությունը»:

Հավելենք, որ նախագծի եզրափակչում 2 հայ մասնակից կար՝ Վալերի Մելաձեի թիմում «փոքրիկ ղարաբաղցի» Միշան, Լոբոդայի թիմում՝ Ռոբերտ Բագրատյանը։ Նախագծի ամբողջ ընթացքում հաղթական ճանապարհ անցած 2 հայ փոքրիկներն էլ, սակայն, հանդիսատեսի քվեարկության արդյունքում դուրս մնացին նախագծից: