Արդյոք Հայաստանը շահեց, թե կորցրեց այս հեղաշրջումից. վստահորեն կասեմ՝ կորցրեց. Շարմազանով
Մեկ տարի առաջ Հայաստանում տեղի ունեցավ շանտաժի եւ սպառնալիքի ալիքի վրա իշխանազավթման առաջին փուլը: Այս մասին Facebook-ի իր էջում գրել է ՀՀԿ մամուլի խոսնակ Էդուարդ Շարմազանովը:
Նա, մասնավորապես, նշել է.
«Սուտ խոստումների, կեղծիքի, շանտաժի միջոցով հնարավոր եղավ հասնել օրինական ընտրված վարչապետի հրաժարականին:
Հասարակությունը Էյֆորիայի տակ ցնծում էր, ինչպես ցնծում էր ֆրանսիական հասարակությունը Յակոբինյանների իշխանության հաստատելու կամ գերմանական հասարակությունը՝ նացիստական- հիտլերյան իշխանության հաստատման ժամանակ:
Կարճ ժամանակ անց թե՛ Ֆրանիայում եւ թե՛ Գերմանիայում ծափահարողները վերածվեցին ամենամոլի քննադատների:
Արդյո՞ք Հայաստանը շահեց, թե կորցրեց այս հեղաշրջումից:
Ե՛վ մեկ տարի առաջ եւ՛ այսօր վստահորեն կասեմ՝ կորցրեց: Եվ խնդիրը, ամենեւին, իմ՝ ՀՀԿ-ական լինելու մեջ չէ:
• Նիկոլի իշխանությունը բաժանեց հասարակությունը սեւերի եւ սպիտակների:
• Հայաստանը զրկվեց ՀԱՊԿ գլխավոր քարտուղարից:
• Արցախյան հերոսներին վարկաբեկեց:
• Արցախի առաջին եւ Հայաստանի երկրորդ նախագահին, իմ կարծիքով, ապօրինաբար կալանավորեց:
• Արցախյան հարցում հրաժարվեց Սանկտ Պետերբուրգի եւ Վիեննայի օրակարգից, իսկ փոխարենը՝ հրապարակ բերեց Դուշանբեի վերելակի անհասկանալի պայմանավորվածությունը:
• Քաղաքական ընդդիմախոսներին ԱԱԾ-ով սպառնաց եւ աջ ու ձախ ասֆալտին փռելու կոչեր արեց:
• Ազգային ժողովը անօրինական պաշարեց եւ դրանով խախտեց օրենսդիրի անկախության սկզբունքը:
• Սուտ խոստումների շարանով խաբեց ժողովրդին:
• Տնտեսական հեղափոխություն հայտարարեց, բայց, իրականում, տնտեսությունը ավելի գահավիժեց:
• Ներդրումները կտրուկ նվազեցին:
• Տեղի ունեցավ համատարած օպտիմալացում-կրճատում:
• Գործարաններ փակվեցին:
• Համատարած գնաճ տեղի ունեցավ:
• Նիկոլի իշխանությունը կոռուպցիայից զերծ չէ:
• Պարզ դարձավ, որ Նիկոլը կախարդական փայտիկ չունի:
Եվ ի վերջո, լռեց, երբ համասեռամոլության քարոզ իրականացվեց, եւ Ազգային ժողովի բարձր ամբիոնը դարձրեցին տրանսգենդերների քարոզի վայր:
Եվ վերջապես, հենց Փաշինյանը, հայտարարելով օտարեկրյա գործակալների առկայության մասին ու որեւէ քայլ չկատարելով, ազդարարեց իր իշխանության քաղաքական անկարողության մասին:
Հ.Գ.
Նիկոլի Հայաստանում կրկեսի ու տեսարանների պակաս չկա:
Հ.Հ.Գ.
Պարգեւատրումները վայելեցին տղերքը, հիմա հերթը տատիկ-պապիկների հաշվին 124 միլիոնանոց խրախճանքներինն է:
Ահա եւ ձեր նոր Հայաստանը»:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս