Զելենսկին քվեարկելուց հետո ռեփ է կարդացել (տեսանյութ)

Ուկրաինայի նախագահի թեկնածու Վլադիմիր Զելենսկին քվեարկությունից հետո շփվել է լրագրողների հետ և ռեփ կարդացել, գրում է «Իզվեստիան»:

Նա պատմել է, որ իր կինն առավոտյան իր համար միացրել է ռեփեր Էմինեմի երգերից մեկը՝ «տրամադրության համար», իսկ հետո Զելենսկին լրագրողների խնդրանքով կատարել է ստեղծագործությունից մի հատված:

Զելենսկին ասել է, որ իր տրամադրությունը հիասքանչ է, և իրենք բոլորին կհաղթեն, ինչից հետո միացել է իր թիմին:

Իսկ Ուկրաինայի գործող նախագահ Պյոտոր Պորոշենկոն ընտրատեղամաս ուղևորվելուց առաջ աղոթել է Կիևում գտնվող Միխայլովսկի եկեղեցում:

 Հիշեցնենք, որ Ուկրաինայում այսօր անցկացվում է նախագահական ընտրությունների երկրորդ փուլը։ Պետության ղեկավարի պաշտոնի համար պայքարում են գործող նախագահ Պյոտր Պորոշենկոն և շոումեն Վլադիմիր Զելենսկին։

Մարտի 31-ին կայացած ընտրական առաջին փուլում Զելենսկին ստացել էր 30․24 տոկոս ձայն, Պորոշենկոն՝ 15․95 տոկոս։

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)