Սալոմե Զուրաբիշվիլին Ջավախքում հորդորել է հայ բնակչությանը՝ տիրապետել պետական լեզվին․ Ախալքալաքի քաղաքապետ
Վրաստանի նախագահ Սալոմե Զուրաբիշվիլին Ջավախքում դիմել է տեղի հայ բնակչությանը՝ հորդորելով տիրապետել երկրի պետական լեզվին՝ վրացերենին։ Այս մասին NEWS.am-ի հետ զրույցում ասաց Ախալքալաքի քաղաքապետ Յուրա Հունանյանը։
«Մեր բնակչության համար ստեղծված են պայմաններ՝ մայրենիով սովորելու դպրոցներում, վրացերենի իմացությունը մեզ համար ավելի դրական, քան բացասական ազդեցություն կունենա»,- նշեց նա։
Յուրա Հունանյանը նաև նշեց, որ արդեն երեք օր է Սալոմե Զուրաբիշվիլին Սամցխե–Ջավախեթիում է, այցելել է Ախալխցայի և մի քանի այլ շրջաններ, իսկ երեկ երեկոյան՝ Ախալքալաք․ «Այսօր Ախալալաքում Վրաստանի նախագահը հանդիպեց տեղի բնակչության հետ, այցելեց եկեղեցի»,– տեղեկացրեց նա։
Ախալքալաքի քաղաքապետը, սակայն, ընդգծեց, որ Վրաստանի նախագահի այցի նպատակը միայն այդ հորդորը չէր՝ ուղված հայ բնակչությանը, պարզապես ապրիլի 14-ը Վրաստանում նշվում է մայրենի լեզվի օր, եւ նախագահի այցը այդ օրվա շրջանակում էր։
«Ջավախք» հայրենակցական միության նախագահ, ԱԺ «Իմ քայլը» խմբակցության պատգամավոր Շիրակ Թորոսյանը եւս առանձնացրեց նախագահի ուղերձը լեզվի վերաբերյալ․ «Վրաստանի նախագահի մեսիջը այն էր, որ տեղի հայությունը լավ չի տիրապետում պետական լեզվին և հորդորում էր տիրապետել, որպեսզի ավելի ընդգրկուն ձևով ինտեգրվեն վրաց պետութանը, այդ մեսիջը ընկալելի է և հասկանալի և մենք դրա դեմ որևէ բան չունենք, մենք էլ ենք ցանկանում, որ Ջավախքի հայությունը պետական լեզվին տիրապետի»,– NEWS.am–ի հետ զրույցում ասաց նա։
Պատգամավորը նաև շեշտեց, որ Ջավախքի հայությունը պետք է ընդառաջ գնա Զուրաբիշվիլիի հորդորներին և կարողանա տիրապետել պետական լեզվին, սակայն վրաց պաշտոնյաներն էլ պետք է հաշվի առնեն, որ տարածաշրջանը մեծ մասամբ հայկական է, և կա հայոց լեզվի, հայ եկեղեցու, հայ ինքնության պահպանման խնդիր․ «Լեզվական քաղաքականությունը պետք է այնպես տարվի, որ հայերը տիրապետելով վրացերենին՝ չկորցնեն իրենց լեզուն և հայկական նկարագիրը»,- ասաց Շիրակ Թորոսյանը։
Նշենք, որ Վրաստանի նախագահ Սալոմե Զուրաբիշվիլին այսօր՝ ապրիլի 14-ին, մայրենի լեզվի օրվա կապակցությամբ այցելել է Ջավախք: Վրաստանի նախագահն Ախալքալաքում բացել է վրացական այբուբենով նկարազարդված պատը, հանդիպել է տեղի հայ բնակչության հետ։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի