«Գահերի խաղը» սերիալի Գիշերային պահակախմբի անակնկալը Լոնդոնում (Տեսանյութ)

Լոնդոնում՝ Թաուերի մոտակայքում, անսպասելիորեն հայտնվել է «Գահերի խաղը» սերիալի Պատի գիշերային պահակախումբը։ Հեռուստասերիալի հերոսները ներկայացել են Լոնդոնի պաշտոնական պահակախմբի հետ միասին։

Լոնդոնյան հայտնի պահակախմբի ավանդական հերթափոխի ժամանակ սերիալի հերոսներն անսպասելիորեն միացել են զինվորներին։ Սև մորթյա վերարկուներով տղամարդիկ մարմնավորում են հեռուստասերիալի Գիշերային պահակախմբի հերոսներին։

Դերասանները ցուցադրել են թրերով կարճ ներկայացում՝ հեռուստասերիալի երաժշտության ուղեկցությամբ։ Լոնդոնյան պահակախմբի հերթափոխը դիտելու եկած զբոսաշրջիկներն ու նաև տեղաբնակներն այդ անակնկալից զարմացել են, մի մասը նույնիսկ վախեցել է։

Այդ ցուցադրությունը նվիրված է «Գահերի խաղը» սերիալի վերջին սեզոնին, որը էկրաններին կլինի մի քանի օրից։

Մինչ այդ հաղորդվել էր, որ համացանցում է հայտնվել գլխուղեղի վիրահատությունից հետո բրիտանացի հայտնի դերասանուհի Էմիլիա Քլարկի լուսանկարը: