Honda-ն փակում է իր գործարանը Թուրքիայում

Թուրքիայի Քոջաելի նահանգի Չայիրովա շրջանում գտնվող Ճապոնական «Honda» ավտոարտադրող կոնցերնի գործարանը մինչև 2021թ.-ը կդադարեցնի իր գործունեությունը։ Այդ մասին հայտարարություն է տեղադրվել ընկերության պաշտոնական կայքում։

Այս մասին տեղեկացնում ermenihaber.am-ը:

Նման որոշման պատճառ է դարձել ընկերության որդեգրած նոր ռազմավարությունը, որի համաձայն՝ ընկերությունն այսուհետև ավելի մեծ ուշադրություն պետք է դարձնի էլեկրական շարժիչով աշխատող մեքենաների արտադրության վրա, քանի որ միջազգային շուկայում դրանց պահանջարկն օրեցօր աճում է։

Թուրքական աղբյուրը հիշեցնում է, որ Honda-ի գործարանում աշխատում է 1100 մարդ։ Ավելի վաղ որոշում էր կայացվել մինչև 2021թ փակել նաև Մեծ Բրիտանիայում գտնվող Honda-ի գործարանը։

Նշենք, որ նախորդ տարում Թուրքիայում ընդհանուր առմամբ վաճառվել է 28.000 Honda մակնիշի ավտոմեքենա: