Էրդողանի կուսակցության կողմից արդյունքների բողոքարկումից հետո Ստամբուլի 7 շրջաններում կրկնակի ընտրություններ կանցկացվեն

Թուրքիայի խոշորագույն Ստամբուլ քաղաքի 7 շրջաններում տեղական ինքնակառավարման մարմինների կրկնակի ընտրություններ կանցկացվեն: Ինչպես գրում են թուրքական լրատվամիջոցները, նման որոշում է կայացրել Թուրքիայի կենտրոնական ընտրական հանձնաժողովը՝ իշխող «Արդարություն և զարգացում» կուսակցության կողմից Ստամբուլում անցկացված ընտրությունների արդյունքների բողոքարկումից հետո:

Նշենք, որ իշխող կուսակցությունը բողոքարկել էր ընտրությունների արդյունքները Ստամբուլի բոլոր 39 շրջաններում:

Ավելի վաղ ԱԶԿ-ի ստամբուլյան մասնաճյուղի ղեկավար Բայրամ Շենոջակը հայտարարել էր, որ ընտրությունների արդյունքների կեղծման ապացույցներ ունեն հօգուտ ընդդիմադր Ժողովրդահանրապետական կուսակցության թեկնածու Էքրեմ Իմամօղլուի:

Նախօրեին ԿԸՀ ղեկավար Սադի Գյուվենը հայտարարել էր, որ Ստամբուլում անցկացված ընտրությունների արդյունքներն անփոփոխ կմնան: Նախնական տեղեկությունների համաձայն՝ քաղաքապետի ընտրություններում Իմամօղլուն հավաքել է 4,159 մլն ձայն, իսկ ԱԶԿ-ի թեկնածու Բինալի Յըլդըրըմը՝ 4,131 մլն:

ՏԻՄ ընտրությունների արդյունքներով՝ Թուրքիայի մայրաքաղաք Անկարայի քաղաքապետ է դարձել Ժողովրդահանրապետական կուսակցության թեկնածուն՝ Մանսուր Յավաշը:

Հիշեցնենք, որ մարտի 31-ին Թուրքիայում կայացել են տեղական ինքնակառավարման մարմինների ընտրություններ, երկրի խոշոր քաղաքներում նախագահ Ռեջեփ Թայիփ Էրդողանի կուսակցությունը պարտություն է կրել: Էրդողանի «Արդարություն և զարգացում» կուսակցության թեկնածուներն ընդդիմադիրներին են պարտվել մայրաքաղաք Անկարայում, ինչպես նաև երկրի խոշորագույն Ստամբուլ քաղաքում, որտեղ Էրդողանի քաղաքականությունը գերիշխող էր վերջին քառորդ դարում: Բացի այդ, նրանք պարտվել են Ադանայում, Իզմիրում և Անթալիայում:

Այս թեմայով Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ) Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ) Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները Թուրքիան կքվեարկի այնքան, մինչեւ որ Էրդողանն ստանա ցանկացածը. NYT Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը