Շիշլիում շատ քիչ մարդ էր հավատում մեր հաղթանակին․ Սելինա Դողան

Այս ընտրությունները մեզ համար մի փոքր տարբեր էին, քանի որ Շիշլիում շատ քիչ մարդ էր հավատում մեր հաղթանակին: Tert.am-ի հետ զրույցում այս մասին ասաց Թուրքիայի ՏԻՄ ընտրություններին Ստամբուլի Շիշլի նահանգում Ժողովրդահանրապետական կուսակցության ցուցակով առաջադրված և հաղթած Սելինա Դողանը:

«Շիշլին կարիք ունի թարմ և մաքուր էջի: Այստեղի ընտրողները, ներառյալ հայերը, շրջապատված էին նախկին քաղաքապետի գերիշխանությամբ և չէին հավատում, որ մենք կհաղթենք ընտրություններում»,- ասաց նա:

Սելինա Դողանի դիտարկմամբ՝ այդ վախն ու գերիշխանությունը նաև օգնեց իրենց, որ հաղթեն ընտրություններում: «Իհարկե, «Ժողովրդադեմոկրատական» և «Լավ» կուսակցությունները ևս ունեին իրենց նշանակալի ներդրումը մեր հաղթանակի մեջ: Ես անձնապես իմ ազդեցությունը զգացել եմ ոչ մուսուլմանական համայնքի վրա»,- ասաց նա:

Հիշեցնենք, որ Մարտի 31-ին Թուրքիայում կայացած տեղական ինքնակառավարման մարմինների (ՏԻՄ) ընտրություններում նախագահ Ռեջեփ Թայիփ Էրդողանի «Արդարություն և զարգացում» կուսակցությունը թեև հաղթանակ է տարել, սակայն պարտվել է մայրաքաղաք Անկարայում, ինչպես նաև երկրի խոշորագույն քաղաքում՝ Ստամբուլում:

Այս թեմայով Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ) Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ) Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները Թուրքիան կքվեարկի այնքան, մինչեւ որ Էրդողանն ստանա ցանկացածը. NYT Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը