Հրապարակվել են Թուրքիայի ՏԻՄ ընտրությունների նախնական արդյունքները

Թուրքիայի «Արդարություն և զարգացում» իշխող կուսակցության թեկնածուներն առաջատար են Անկարայում և Ստամբուլում ընթացող քաղաքապետի ընտրություններին, սակայն դիրքերը զիջում են Իզմիրում: Ինչպես փոխանցում է РИА Новости-ն, այս մասին վկայում են քվեարկության նախնական արդյունքները:

Քվեաթերթիկների 31 տոկոսի հաշվարկման արդյունքում` Ստամբուլի քաղաքապետի պաշտոնում իշխող կուսակցության թեկնածուն, որը նախագահ Էրդողանի մտերիմ աջակից, երկրի նախկին վարչապետ Բինալի Յըլդըրըմն է, հավաքել է ձայների 51.6 տոկոսը: Նրա հիմնական մրցակիցն ընդդիմադիր «Ժողովրդական միություն» կուսակցությունից՝ Էքրեմ Իմամօղլուն, ստացել է 45.8 տոկոս ձայն:

Անկարայում քվեաթերթիկների 26 տոկոսի հաշվարկի արդյունքներով` 50.6 տոկոս ձայն է ստացել իշխող կուսակցության փոխնախագահ Մեհմեթ Օզհասեկին, իսկ հիմնական ընդդիմադիր թեկնածու Մանսուր Յավաշը՝ 46.2 տոկոս:

Իզմիրում իշխող կուսակցության թեկնածու, էկոնոմիկայի նախկին նախարար Նիհաթ Զեյբեքչին դեռևս պարտվում է ընդդիմադիր թեկնածու Թունչ Սոյերին, որը 58.4 տոկոս ձայն է ստացել՝ Զեյբեքչիի 37.3-ի դիմաց:

Ընդյանուր առմամբ, ՏԻՄ ընտրություններում հաղթում են «Արդարություն և զարգացում» կուսակցության թեկածուները՝ 24.4 տոկոս քվեաթերթիկների հաշվարկի արդյունքներով ստանալով 48.1 տոկոս ձայն: Հիմնական ընդդիմադիր «Ժողովրդահանրապետական» կուսակցությունը ստացել է 29.4 տոկոս ձայն: