Բոյկո՞տ, թե՞ անփութություն. ինչու «Իմ քայլը» տապալեց ԱԺ նիստը
ԱԺ արտահերթ նիստի աշխատանքների ձախողումը եւ քվորում չապահովելու պատճառը զուտ տեխնիկական հարց է, որեւէ ինտրիգ պետք չէ փնտրել, եւ դրա տակ որեւէ քաղաքական ակցիա չկա: Այս մասին այսօր՝ մարտի 29-ին, ԱԺ-ում լրագրողների հետ զրույցում ասաց ԱԺ փոխխոսնակ Ալեն Սիմոնյանը: Նա նշեց, որ «Իմ քայլը» խմբակցության պատգամավորների մի մասը (35 պատգամավոր) մեկնել է Արցախ, եւ դա է պատճառը, որ քվորում չի ապահովվել: «Մի մասը մեկնել է, վստահ չեմ, որ բոլորն են մեկնել, քվորում կունենանք, թե չէ, համենայն դեպս կսպասենք, հատուկ ակցիա չկա: Լավ չի, որ պատգամավորները ճիշտ չեն հաշվարկել: Միգուցե պետք էր այնպես անել, որ քվեարկությունից հետո մեկնեին: Այդ հարցում ձեզ հետ համաձայն եմ»,-ասաց Սիմոնյանը: Հարցին, թե արդյոք այս այցը եղե՞լ է համաձայնեցված, որպեսզի համընկնի Նիկոլ Փաշինյանի` Վիեննայում կայանալիք հանդիպմանը, Ալեն Սիմոնյանը պատասխանել է. «Որեւէ նման պայմանավորվածություն չի եղել, որ պարոն Փաշինյանի այցի հետ համաձայնեցվի: Եթե նույնիսկ որոշված բան չկա, կարծում եմ՝ դա միայն դրական ազդեցություն կունենա, ճիշտ որոշում է»:
Նշենք, որ այն պահին, երբ ԱԺ–ում գրանցում էր ընթանում, «Իմ քայլը» խմբակցության մի խումբ պատգամավորներ ԱԺ միջանցքներում էին։ Լրագրողները պատգամավորներից փորձում էին պարզել, թե ինչու չեն մտնում ԱԺ դահլիճ, եթե քվորումի խնդիր կա։ Մասնավորապես, Factor.am-ի հարցին, թե ինչու դահլիճ չեն մտնում, «Իմ քայլը» խմբակցության պատգամավոր Հովհաննես Իգիթյանը պատասխանեց՝ չգիտեմ, մյուսները նույնպես հիմնականում պատասխանում էին՝ չգիտենք, մեկնաբանություն չկա։ Խմբակցության քարտուղար Հակոբ Սիմիդյանն էլ ասաց. «Արցախ մեկնողները հիմա դուրս են գալիս»։ Ընդհանուր առմամբ, իշխանական պատգամավորները, հատկապես Արցախ մեկնողները, խուսափում էին պատասխանել հարցին։ Լրագրողի հարցին, արդյոք իշխանական պատգամավորների չներկայանալը բոյկոտ էր, ԲՀԿ պատգամավոր Արման Աբովյանը պատասխանեց. «Չգիտեմ, կարծում եմ՝ արժե հարցնել իրենցից»։
Հիշեցնենք, որ նիստի մեկնարկին գրանցվել էր 44 պատգամավոր, չէին ներկայացել «Իմ քայլը» խմբակցության պատգամավորները: ԱԺ նախագահ Արարատ Միրզոյանը հայտարարել է, որ 4 ժամվա ընթացքում կարող են գալ եւ գրանցվել, եւ եթե քվորում կապահովվի, նիստը կգումարվի:
Նշենք, որ ԱԺ-ն պետք է քննարկեր «Ազգային ժողովի կանոնակարգ» ՀՀ սահմանադրական օրենքում փոփոխություններ կատարելու մասին» եւ «Սահմանադրական դատարանի մասին» ՀՀ սահմանադրական օրենքում փոփոխություններ եւ լրացումներ կատարելու մասին» օրենսդրական փաթեթը՝ երկրորդ ընթերցմամբ:
Այս փաթեթը վերաբերում ՍԴ դատավորի թեկնածու առաջադրելու կարգին: Հիշեցնենք, որ ՀՀ նախագահ Արմեն Սարգսյանը ՍԴ դատավորի թեկնածու է առաջադրել Գոռ Հովհաննիսյանին: Ըստ մամուլի տեղեկությունների, «Իմ քայլը» մտադիր է այս փոփոխություններով հասնել նրան, որ հնարավորություն ստեղծվի, որ Վահե Գրիգորյանը եւս մեկ անգամ հնարավորություն ստանա առաջադրվելու:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...