Լիտվացի սոցիոլոգների հարցման արդյունքները. «Հայերը փոփոխություններ են ուզում»
Սոցիոլոգիական գիտությունների դոկտոր Մարիուս Քալանթանն ու Մինդաուգաս
Լապինսկասն այսօր լրագրողների հետ հանդիպմանը ներկայացրին KOG ( Institute
for Marketing and Communication Sciences) և «Demokratijos projektai» կողմից իրականացված սոցիոլոգիական հարցումների վերլուծությունները՝ կապված
Հայաստանում 2017 թվականի ապրիլի 2-ին տեղի ունենալիք խորհրդարանական ընտրությունների հետ:
Բանախոսները Լիտվայից են, Հայաստան են եկել անկախ հարցումներ անելու
համար: Մինգաուգաս Լապինսկասն ասաց, որ իրենք անձամբ են կոորդինացրել այս
հարցումները: Դրանք կատարվել են մարտի 8-17-ն ընկած ժամակահատվածում:
Լապինսկասը նաեւ նշեց, որ իրենց հարցումները ցույց են տվել, որ հայերը
հիասթափված են, երկրում առկա իրադրությունը բավական ձանձրալի է նրանց
համար, այդ թվում և քաղաքականությունը: Հարցման ժամանակ հարցերից մեկը
վերաբերել է կառավարության գործունեությանը, և 15 տոկոսն ասել է, որ
իրադրությունը բարելավվել է վերջին մեկ տարվա ընթացքում, 10 տոկոսը չի
իմացել ինչ պատասխանել, 75 տոկոսի կարծիքով՝ իրադրությունը վատացել է։
«Հայերն ասում են, որ փոփոխություն են ուզում, բացի այդ երբ նրանք ասում
են, որ փոփոխություն են ուզում, իրենք հատուկ հայկական ձևով են ասում դա:
65 տոկոսը կողմ է փոփոխություններին, ինչը նշանակում է փոփոխել գրեթե ամեն
ոլորտ: ժողովրդավարական երկրներում մարդիկ հավատում են, որ
ընտրությունները փոխելու են երկիրը, 75 տոկոսն ասել է, որ կմասնակցի
ընտրություններին, 9 տոկոսը չի մասնակցի, այս ցուցանիշը չի կարող ճիշտ
լինել»,-ասաց բանախոսը:
Ըստ արդյունքների՝ հարցման մասնակիցների 40.70 տոկոսը կքվեարկի «Ծառուկյան» դաշինքի օգտին, 19.40-ը՝ ՀՀԿ-ի, 8.70-ը՝ ՕՐՕ դաշինքի, 4.10-ը՝ «Ելք» դաշինքի, 3.9 տոկոսը՝ Հայկական վերածնունդի, 3.79-ը՝ ՀՅԴ-ի, 3.15-ը՝ ՀԱԿ-ի, իսկ 1.70-ը՝ Ազատ
դեմոկրատների: Անցակցված հարցման արդյունքներով՝ քաղաքական լինդերներն են` Գագիկ Ծառուկյանը՝ 48.78 տոկոս, Կարեն Կարապետյանը՝ 24,7 տոկոս, Սեյրան Օհանյանը՝ 14 տոկոս, Նիկոլ Փաշինյանը՝ 10 տոկոս, Րաֆֆի Հովհաննիսյանը` 10, Լեւոն Տեր-Պետրոսյանը` 6, Սերժ Սարգսյանը` 8, Էդմոն Մարուքյանը, Տարոն Մարգարյանը` 3.5 տոկոս, Արթուր Բաղդասարանը՝ 4.1, Վիգեն Սարգսյանը` 4.26, Խաչատուր Քոքոբելյանը` 2.05 տոկոս, Ստեփան Դեմիրճյանը` 2 եւ Արմեն Ռուստամյանը՝ 3.7 տոկոս։
Հարցին` ո՞ւմ ֆինանսավորմամբ է անցկացվել հարցումը եւ օրեր առաջ հրապարակված
Gallup-ի հարցումներից այն տարբերվում է, բանախոսներից մեկը պատասխանեց. «Ես
չեմ կարող մեկնաբանել Գելլափի հարցումները, կան տարբերություններ, արվել
է, որովհետև ես չգիտեմ՝ երբ են դրանք արվել, բյուջեն միջազգային կազմակերպություններն են հովանավորում և սա միայն Հայաստանը չի»։
Գագիկ Ծառուկյանը կապ ունի՞ այս հարցումների հետ ինչ-որ կերպով, կազմակերպիչները
պատասխանեցին, որ ոչ մի կազմակերպություն կապ չունի այս հարցումների հետ։
Նյութի աղբյուրը ` hraparak.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...