Վրաստանի համար շահավետ է իրանական գազը Հայաստանի միջոցով տարանցելը, եթե Ռուսաստանին չպատկանող գազատար լինի
Վրաստանի հասարակական գործիչ Վան Բայբուրդի կարծիքով՝ շատ կարևոր էին ՀՀ վարչապետ Նիկոլ Փաշինյանի՝ Իրանի նախագահ Հասան Ռոհանիի հետ հանդիպումը և դրա շրջանակներում իրանական գազի համար տարանցիկության մասին արած հայտարարությունը:
Այս մասին նա նշեց Tert.am-ի հետ զրույցում՝ անդրադառնալով նրան, թե իրականում Վրաստանում ինչ արձագանքի է արժանացել իրանական գազի ներմուծումը Հայաստանի միջոցով:
«Այն նաև մեծ արձագանք առաջացրեց Վրաստանում: Բայց քանի որ բոլորս գիտենք, որ Իրանի հետ այսօր համագործակցելը նաև գազի մատակարարման հարցում այլ կողմերի ուշադրությունն է գրավում, խնդիրը բարդանում է․Բոլթոնի այցը, ԱՄՆ պատժամիջոցները, Ռուսաստանը կարևոր հանգամանքներ են այս գործընթացում»,- ասաց նա:
Հիշեցնենք, որ Նիկոլ Փաշինյանը հայտարարել էր, որ Իրան կատարած այցից առաջ ինքը հեռախոսազրույցներ է ունեցել Վրաստանի, Ռուսաստանի և Թուրքմենստանի գործընկերների հետ, տեղեկացրել է, թե ինչ հարցերի շրջանակ է քննարկվելու Իրանում: Այս մասին վարչապետը խոսել էր նաև օրերս կայացած մամուլի ասուլիսի ժամանակ: «Քննարկումների արդյունքում է որոշվել, որ այս թեման պետք է Իրանում դառնա կարևոր կետերից մեկը: Քննարկումները շարունակվում են, կշարունակվեն, քանի դեռ չենք եկել դրական կամ բացասական եզրակացության»,- ասել էր նա:
Նիկոլ Փաշինյանը նաև նշել էր, որ Հայաստանը գազի տարանցիկ երկիր դառնալու համար նոր խողովակներ չի կառուցելու:
Վան Բայբուրդի խոսքով՝ իրանական գազի ներմուծումը Վրաստանի համար էլ մեծ հեռանկար ունի: «Վրաստանը հիմա կախված է մի գազատարից, որը գալիս է Ադրբեջանից: Մի փոքր ծավալի գազ միայն Ռուսաստանից է Վրաստանը ստանում: Բայց ինչպես ցանկացած նորմալ պետություն, Վրաստանն էլ, դիվերսիֆիկացիա է ուզում ունենալ»,- ասաց նա:
Քաղաքական խնդիրները, նրա նկատառմամբ, այս գործընթացում բավականին շատ են․ պետք է նկատել, որ Ռուսաստանն էլ դիրքավորված է որպես տարածաշրջանի ամենահզոր խաղացողը գազի մատակարարման ոլորտում: «Բայց Վրաստանը կամաց-կամաց լուծում է այդ հարցերը ԱՄՆ-ի՝ գլխավոր խաղացողի հետ»,- ասաց նա:
Նրա խոսքով՝ սակայն հարց է, թե ինչպես է Հայաստանը լուծելու խնդիրը Ռուսաստանի հետ: «Պետք է չմոռանալ, որ գազի մատակարարման ցանցերն ամբողջությամբ պատկանում են ռուսական «Գազպրոմ» ընկերությանը: Այստեղ էլ խնդիրներ են առաջանալու Հայաստանի, այդ ծրագիրը իրականացնելու համար»,- ասաց նա:
Վան Բայբուրդի կարծիքով՝ Հայաստանը, այնուամենայնիվ, պետք է մտածի նաև նոր գազատար կառուցելու մասին, քանի որ դա նաև կթուլացնի իր կախվածությունը Ռուսաստանից:
«Վրաստանի համար շահավետ է իրանական գազը Հայաստանի միջոցով տարանցելը, եթե նոր գազատ լինի,- ասաց նա՝ հավելելով, որ, իհարկե, այդ գազատարը չպետք է Ռուսաստանինը լինի,-կարծում եմ՝ ամեն դեպքում, այդ ծրագիրը իրականանա, թե՝ ոչ, Հայաստանը պետք է ունենա նոր գազատար, ներդրողներ գտնի դրա համար: Բացի այդ, Հայաստան ներմուծվող իրանական գազի ծավալները կարող են ամեն օր աճել, և լավ կլինի, որ Հայաստանն այսօրվանից արդեն դրան պատրաստվի»:
Ամեն դեպքում, Հայաստանը պետք է շարունակի բանակցությունները երկրների հետ իրանական գազի տարանցիկ երկիրը լինելու առաջարկի վերաբերյալ: «Շատ լավ էր, որ մինչև Վրաստան մեկնելը Նիկոլ Փաշինյանը զրուցել էր Վրաստանի վարչապետ Մամուկա Բախտաձեի հետ, խոսել էր Ռուսաստանի նախագահ Պուտինի հետ: Դրանով Փաշինյանը ցույց էր տալիս, որ ինքը ուրիշ մտադրություններ չունի, պարզապես մտադիր է նրանց հետ միասին զարգացնել Հայաստանի տնտեսությունը: Դա լավ արձագանք է գտել տարբեր երկրներում: Դա լավ օրինակ էր որոշ երկրների համար, որոնք թափանցիկ չեն»,- ասաց նա:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո