ԱՄՆ-ում ներկայացրել են աշխարհի ամենաերկար ինքնաթիռը

Boeing ընկերությունն անցկացրել է աշխարհի ամենաերկար ուղևորատար ինքնաթիռի շնորհանդեսը, որին ներկա են գտնվել սահմանափակ թվով մասնակիցներ։ Այս մասին հայտնում է CNN-ը։

Boeing 777X նոր ինքնաթիռի երկարությունը 77 մետր է, թևերի բացվածքը՝ 72 մետր։ Ընկերությունը քաղավիացիայի պատմության մեջ առաջին անգամ կիրառել է թևերի ծալման տեխնոլոգիան։

Երկու շարժիչներով նոր ինքնաթիռի բազային մոդիֆիկացիան կդառնա 777-9X-ը, որը կարող է տեղավորել 400-425 ուղևորի։ Թռիչքի հեռավորությունը կարող է գերազանցել 14 հազար կմ-ը։

Նորագույն ինքնաթիռն առաջին թռիչքը կկատարի արդեն առաջիկա ամիսներին, իսկ մատակարարումները պատվիրատուներին սպասվում են 2020 թվականին։