Աջակողմյան ղեկով մեքենաների ներկրման արգելքը վերջին անգամ է հետաձգվում․ ԱԺ քննարկում
Ազգային ժողովի այսօրվա արտահերթ նիստի հարցերից մեկը վերաբերում է աջ ղեկով մեքենաների ներկրումների հնարավորություն տալուն։ Սահմանվում է, որ քաղաքացիներին հնարավորություն է տրվելու ներկրել մինչև 2018 թվականի վերջը գնված ու մինչև 2019 թվականի մայիսի 1-ը Հայաստան բերված մեքենաները։
Մինչ հարցի քննարկումը ՀՀ ԱԺ փոխնախագահ Ալեն Սիմոնյանը հարցը ներկայացնող ՀՀ ՏԿՏՏ նախարար Հակոբ Արշակյանին խնդրեց ևս մեկ անգամ ընդգծել, որ աջակողմյան ղեկով մեքենաների ներկրման արգելքն այլևս չի հետաձգվելու, և սա վերջին հետաձգումն է լինելու։
Արշակյանը համաձայնեց ու ասաց, որ այս հետաձգումը իրականացվում է Հայաստանի սահմանին կուտակված մեքենաների հարցը լուծելու համար։