Իրանում կին փաստաբանը դատապարտվել է 38 տարվա ազատազրկման և մտրակի 148 հարվածի. The Guardian

Միջազգային ասպարեզում հայտնի, մարդու իրավունքների գծով իրանցի իրավաբան Նասրին Սոտուդեհը դատապարտվել է 38 տարվա ազատազրկման և մտրակի 148 հարվածի:

Թեև Թեհրանի հեղափոխական դատարանի վճռի համաձայն՝ իրավաբանը դատապարտվել է 7 տարվա ազատազրկման, սակայն կնոջ ամուսինը՝ Ռեզա Խանդանը, ֆեյսբուքյան իր էջում հայտնել է, որ Սոտուդեհն իրականում դատապարտվել է 38 տարվա ազատազրկման և մտրակի 148 հարվածի:

Այս մասին գրում է The Guardian-ը՝ նկատելով, որ նման պատիժը բավականին խիստ է նույնիսկ Իրանի պես երկրի համար:

Հայտնի է, որ ՄԱԿ-ի Իրանի գծով մարդու իրավունքների հարցերով ներկայացուցիչ Ջավաիդ Ռեհմանը Սոտուդեհի ազատազրկման հարցը բարձրացրել է ՄԱԿ-ի մարդու իրավունքների հանձնաժողովի նիստում:

Իրավաբանը, որը նախկինում պաշտպանում էր գլխաշոր չկրելու համար հետապնդվող ընդդիմադիր ակտիվիստուհիների շահերը, ձերբակալվել էր հունիսին: Նա մեղադրվում էր լրտեսության, հակաքարոզչության և Իրանի գերագույն հոգևոր առաջնորդին վիրավորելու համար:

Եվրոպական խորհրդարանի կողմից Սախարովի անվան մարդու իրավունքների պաշտպանության հեղինակավոր մրցանակով պարգևատրված Սոտուդեհը ձերբակալվել էր նաև 2010թ. ու բանտում երեք տարի անցկացնելուց հետո ազատ արձակվել:

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում