ԵՊՀ հոգաբարձուների խորհրդի նիստը փակ է անցկացվում (Տեսանյութ)
ԵՊՀ-ում հոգաբարձուների խորհրդի նիստում որոշում կայացվեց, որ այն կացկացվի դռնփակ ռեժիմով: Բանն այն է, որ նիստն ընդհատելով, ամբիոնին մոտեցավ մի տղամարդ, ով հոգաբարձուների խորհրդի անդամ չէր, սակայն ելույթի իրավունք էր պահանջում։ Հոգաբարձուների խորհրդի նախագահ Գևորգ Մուրադյանը մի քանի անգամ դիմեց իրավապահներին, որպեսզի հեռացնեն տղամարդուն դահլիճից:
Նիստը դռնփակ անցկացնելու որոշումը կայացվեց միաձայն:
Ավելի ուշ սակայն, լրագրողներին հետ կանչեցին եւ թույլ տվեցին լուսաբանել նիստը, իսկ մնացածը հեռացվեցին դահլիճից:
Հիշեցնենք, որ Երևանի պետական համալսարանում տեղի է ունենում հոգաբարձուների խորհրդի նիստ, որի օրակարգային միակ հարցը ռեկտոր Արամ Սիմոնյանի լիազորությունների դադարեցումն է: Նշենք, որ Ոստիկանությունն օրեր առաջ հայտարարություն էր տարածել, որտեղ նշվում էր ԵՊՀ-ում ենթադրյալ իրավախախտումների ու չարաշահումների մասին: