Հնդկաստանի ՌՕՈՒ օդանավի վրա պակիստանցի զինվորականների հարձակումը տեսանկարվել է
Samaa TV-ն տեսանյութ է հրապարակել, որում պատկերված է Հնդկաստանի ՌՕՈՒ օդանավի վրա պակիստանցի զինվորականների հարձակման պահը:
Կադրերում երեւում է, թե ինչպես է կրակով բռնկված կործանիչը գետնին ընկնում:
Ավելի վաղ պակիստանյան բանակը հայտարարել էր, որ խոցել է Հնդկաստանի ՌՕՈՒ 2 օդանավ, որոնք վիճելի Քաշմիրի շրջանում խախտել են երկրի օդային տարածքը, որի հետեւանքով 2 կողմերը մեկական կործանիչ են կորցրել:
Նյու Դելիի եւ Իսլամաբադի հարաբերությունները վերջին շրջանում սրվել են:
Ճգնաժամը խորացել է փետրվարի 14-ից հետո, երբ մահապարտն ինքնապայթեցում էր արել հնդկական ռազմականացված ոստիկանության շարասյան մոտ, որի հետեւանքով զոհվել էր 45 մարդ: Հարձակման պատասխանատվությունը ստանձնել էր իսլամական «Ջաիշ-ե-Մուհամմադ» խմբավորումը:
Երեքշաբթի Հնդկաստանի ՌՕՈՒ օդանավերը հարված էին հասցրել Քաշմիրի պակիստանյան հատվածում «Ջաիշ-ե-Մուհամմադ» ճամբարին: Հնդկաստանի ԱԳ առաջին փոխնախարար Վիջայ Գոքհալեն գործողությունը պատճառաբանել էր գրոհայիններին վնասազերծելու անհրաժեշտությամբ, որոնք նոր հարձակումներ էին պատրաստում:
Քաշմիրը վիճելի տարածք է, որի կարգավիճակն ամրագրված չէ: Այնտեղ ակտիվ գործունեություն են ծավալում անջատողականները, որոնք հանդես են գալիս անկախության կամ Պակիստանին միանալու օգտին:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Եղբայրները կառուցվող մանկապարտեզից գողություն են կատարել
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Ուկրաինական AI դրոնները կաթվածահար են անում մատակարարման ուղիները
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Երևանը պատրաստվում է COP17-ին