Էրդողանը Թուրքիայում բանտարկված լրագրողներին գող, ահաբեկիչ ու մանկապիղծ է անվանել

Թուրքիայի նախագահ Ռեջեփ Թայիփ Էրդողանը երկրում բանտարկված լրագրողներին անվանել է գող, ահաբեկիչ ու մանկապիղծ:

Ինչպես հայտնում է թուրքական «Էվրենսել» պարբերականը` Էրդողանը հայտարարել է, որ այդ անձինք որևէ կապ չունեն լրագրության հետ:

«Ասացի` մի հատ բերեք ցուցակը (Նկատի ունի ազատազրկված լրագրողների - tert.am): 149 հոգանոց անվանացանկ բերեցին, նայում եմ անուններին, բոլորը գող, ահաբեկիչ, մանկապիղծ են: Սրանք ի՞նչ գործ ունեն լրագրության հետ», - ասել է Էրդողանը:

Ավելի վաղ նա, հերքելով իր երկրում մամուլի ազատության խնդիրների մասին պնդումները, հավաստիացրել է, թե Թուրքիայում մամուլի ազատությունն ավելի բարձր մակարդակի է, քան Արևմուտքի մի շարք երկրներում:

Օրեր առաջ Եվրոպայի խորհրդի խորհրդատվական մարմինը՝ Վենետիկի հանձնաժողովը, կոչ է արել Թուրքիային դադարեցնել երկրում սահմանված արտակարգ դրության պայմաններում Նախարարների խորհրդին տրված լիազորությունների միջոցով ընդդիմադիր մամուլի վրա ճնշումներ գործադրելն ու բազմաթիվ լրատվամիջոցների աշխատանքը դադարեցելու մասին որոշումներ հրապարակելը:

Այս թեմայով Էրդողանը Իտալիայի վարչապետին ծխելը թողնելու կոչ է արել Թուրքիան կշարունակի նպաստել ուկրաինական հակամարտության կարգավորմանը. Էրդողան Թուրքիայի և Հայաստանի հարաբերությունների կարգավորման գործընթացն ընթանում է ըստ պլանի․ Էրդողան Էրդողանը հայտնել է՝ մոտ ժամանակներս Ուկրաինայում պատերազմը կավարտվի, թե ոչ Պաղեստինի ճանաչումը պատմական և չափազանց կարևոր որոշում է․ Էրդողան