Կիմ Չեն Ընի թարգմանչի ինքնամոռաց վազքը համացանցի հերոս է դարձրել նրան (տեսանյութ)

Հյուսիսային Կորեայի առաջնորդ Կիմ Չեն Ընի թարգմանիչը Վիետնամի «Դոնգ Դանգ» կայարանում հայտնվել է զավեշտալի իրավիճակում՝ դառնալով սոցցանցերի բազմաթիվ օգտատերերի հումորային մեկնաբանությունների հերոս:

Հարավկորեացի լրագրողներից մեկը Twitter-ի իր էջում տարածել է տեսանյութ, որում երևում է, թե ինչպես է Վիետնամ ժամանած Կիմ Չեն Ընի թարգմանիչը կանգնած մնացել վագոնում, երբ Կիմ Չեն Ընն արդեն դուրս է եկել իրեն դիմավորողներին ընդառաջ: Տեսնելով, որ առաջնորդն արդեն սկսել է սեղմել ներկաների ձեռքը՝ թարգմանիչը վազելով մոտեցել է Կիմ Չեն Ընին՝ գրեթե մեկ վայրկյանում հաղթահարելով մի քանի մետր տարածություն:

«Երբ «Փրկիր կյանքդ» արտահայտությունն արժե մեջբերել ուղիղ իմաստով», - գրել է սոցցանցերի օգտատերերից մի ամերիկուհի՝ ծաղրելով իրավիճակը, որում հայտնվել է թարգմանիչը:

Բրիտանական Reuters գործակալության՝ Հանոյում գտնվող գրասենյակի ղեկավար Ջեյմս Փիրսոնն էլ կատակով նկատել է, որ տղամարդը զուր է վատնում իր տաղանդները, քանի որ իրականում արժանի է տեղ գտնելու երկրի օլիմպիական հավաքականում:

THAT SPRINT pic.twitter.com/wDwntnQ71W

— Raphael Rashid (@koryodynasty) 26 февраля 2019 г.